-
NATO-nun keçmiş baş katibi Anders Fogh Rasmussen Ukrayna prezidenti Petro Poroshenko-nun məsləhətçisi olacaq.
Rasmussen Facebook-da mayın 26-da bu barədə yazıb. Ondan bir gün sonra Poroshenko bu təyinatı ilə bağlı məlumat verib.
Rasmussen Ukraynanın şərqindəki vəziyyəti «həyəcanlı» situasiya kimi təsbit edib. O həmçinin deyib ki, Ukrayna korrupsiya ilə mübarizə aparmalı və islahatları yerinə yetirməlidir.
Rusiya Dumasının üzvü Leonid Kalashnikov «Interfax»a açıqlamasında Rasmussen-in təyinatını Rusiyaya münasibətdə «düşmən jesti» kimi qiymətləndirib.