Keçid linkləri

2024, 28 Mart, Cümə axşamı, Bakı vaxtı 16:52

Xaki rəngli şortik, əskər kepkası


Vəfa Mürsəlqızı
Vəfa Mürsəlqızı

-

Vəfa Mürsəlqızı

MÜHARİBƏ ROMANTİKASI

Müharibə özü ilə yeni dəb də gətirmişdi,
qısa xaki rəngli şortik, əskər kepkası.
Qızlar bu paltarda top lüləsindəki
qərənfilə bənzəyirdilər.
Küçələrdə bayrağa bürünmüş cavanlar gəzirdi.
Evlərdə isə gəzə bilməyən kişilər vardı.
Bu kişilərin ayaqları dağlarda,
meşələrdə qalmışdı.
Bu kişilər arvadlarına bağırır,
uşaqlarını incidir,
qohumlarına isə qapı açmırdılar.
Çünki utanırdılar.
arvadlarından, uşaqlarından, qohumlarından.
Arvadlarını yarımçıq sevirdi bu kişilər.
Bu sevgilərin ya əli ya ayağı yox idi.
Əslində isə bu kişilər qorxurdular.
Müharibənin dəhşətindən qorxmayan
ayaqsız kişilər
küçələrdə gəzən ayaqlı kişilərdən qorxurdular.
Bir gün gecələr xısın-xısın ağlayan
arvadlarının
bu gəzə bilən kişilərdən biri ilə gedəcəyindən
QORXURDULAR.

Müharibə bitmir!!!
O küçə-küçə, döngə-döngə adamların
içində davam edir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG