-
Nardaran hadisələri ilə bağlı inzibati qaydada həbs olunan 71 nəfər azadlığa buraxılıb.
Bu barədə Trend-ə Nardaran sakinləri məlumat verib.
Sakinlər bildiriblər ki, hazırda Daxili İşlər Nazirliyinin İnzibati Həbs Olunanların Saxlanma Məntəqəsində 3 qəsəbə sakini qalıb ki, onların da inzibati həbs müddəti yaxınlarda başa çatacaq.
Ötən il noyabrın 26-da Bakının Nardaran qəsəbəsində hüquq-mühafizə orqanlarının keçirdiyi əməliyyat zamanı ikisi polis olmaqla 7 nəfər həlak olub. «Müsəlman Birliyi» Hərəkatının sədri Taleh Bağırov başda olmaqla 32 nəfər saxlanılıb. Onlar barəsində həbs-qətimkan tədbiri seçilib, cinayət işi başlanıb.