Keçid linkləri

2024, 28 Mart, Cümə axşamı, Bakı vaxtı 19:26

Nərgiz Yaqublu dəfn edildi [video/foto]


Nərgiz Yaqublu dəfn edildi
Gözlə

No media source currently available

0:00 0:00:32 0:00

-

Aprelin 25-də siyasi fəal, jurnalist Nərgiz Yaqublu torpağa tapşırılıb. O, Qaraçuxur qəbiristanlığında dəfn olub.

Dəfndə yüzlərlə insan iştirak edib. Yolun yarıdan çoxunu mərhum siyasi fəalların və doğmalarının çiynində aparılıb. Dəfn mərasiminə səssiz yürüş də demək olar.Gənclər «Sən bizim solmaz gülümüz, Nərgizimizsən» plakatı ilə irəliləyiblər.

Mərhumu yola salmağa gələnlər arasında şair Ramiz Rövşən, akademik Rafiq Əliyev, üzv olduğu Müsavat Partiyasının keçmiş və yeni rəhbərləri – İsa QəmbərArif Hacılı, AXCP sədri Əli Kərimli, Milli Şura sədri Cəmil Həsənli, keçmiş baş nazir Pənah Hüseyn, KAXCP sədri Mirmahmud Mirəlioğlu, Aydınlar Partiyasının sədri Qulamhüseyn Əlibəyli, BAXCP sədri Qüdrət Həsənquliyev, REAL Hərəkatinin üzvləri və başqa siyasətçilər vardı. Bundan başqa, dəfnə xeyli sayda gənc fəal, jurnalist, hüquq müdafiəçisi qatılıb.

Mərhum torpağa taşırıldıqdan sonra məzarı başında çıxışlar olub.

Nərgiz Yaqublu aprelin 23-də Rusiyanın Tomsk şəhərində müalicə aldığı xəstəxanada vəfat edib. O, hepatit xəstəliyindən əziyyət çəkirdi. 26 yaşlı Nərgiz Yaqublu yeni ailə qurmuşdu. Mərhumun 8 aylıq körpəsi qalıb.

Atası Tofiq Yaqublu Müsavat Partiyası başqanının müavinidir. İsmayıllı hadisələrinə görə 5 il azadlıqdan məhrum edilib. Aprelin 24-də övladının dəfnində və yas mərasimində iştirak edə bilmək üçün 7 günlük azadlığa buraxılıb. Hüquq müdafiəçiləri onun əfvi üçün prezidentə müraciət ediblər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG