Keçid linkləri

2024, 28 Mart, Cümə axşamı, Bakı vaxtı 19:08

İyrənirəm şairlərdən...


Seyid Aynur
Seyid Aynur

-

Seyid Aynur

İyrənirəm şairlərdən,

İyrənirəm əllərimdən.

Qozbel adam qoymur yatam!,

Bütün bu “düz” məmləkətin,

Əyri dabanlı adamı-

“Mədəni” soydaşlarımın,

İçində insan- yabanı!.

Bircə odur yarım olan,

Bər-bəzəkli geyənlərin,

İçində lüt, yalın qalan-

Qozbel adam qoymur yatam!,

Yapışaraq eyvanımdan,

Hər gecə məhəbbət gəzir,

Kobud, çirkli barmaqları,

Yarpaqları, gülü əzir.

Qozbel adam, qoymur yatam!,

Günahlar içində məni,

O -tənhalıq girdabında,

Batan adam sevir məni,

Gözlərimdən gecəyarı,

Şərab kimi içir məni......

Qozbel adam, qoymur yatam!.

İyrənirəm şairlərdən,

İyrənirəm əllərimdən.

Bircə gecə sevim deyə,

Qisas alır güllərimdən.

Qozbel adam qoymur yatam!,

Qadağanı, yoxu söyür,

Bəlkə, də mən,

bəlkə də, o, yuxu görür?!.

Eyvanımın yaxasından,

Sonda çəkib əllərini,

Milyonların arasında,

Öləcəksən, sabah deyir!.

Öləcəksən, bu vaxt deyir!.

Qozbel adam qoymur yatam.......

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG