Keçid linkləri

2024, 29 Mart, Cümə, Bakı vaxtı 12:40

«Manchester United» Bakıda məktəb açır


Wayne Rooney
Wayne Rooney

-

İngiltərənin “Manchester United” klubu Bakıda futbol məktəbi açır.

Bu layihəni Manchester United klubu Azərbaycan Futbol Federasiyaları Assosiasiyası – AFFA və Bakcellə birlikdə reallaşdırır.

Layihənin məqsədi uşaqlara United kimi oynamağaı öyrətməkdir.

Tarixdə ilk dəfədir ki, Manchester United hər hansı ölkənin milli federasiyası ilə iş birliyi qurur.

United qrupunun icra direktoru Richard Arnold deyir ki, “Azərbaycan çiçəklənən futbol ölkəsidir. Bura United klubunun 1 milyondan çox azarkeşinin evidir. Ona görə də, Bakcelldən olan dostlarımızın köməyi ilə bu əlaqəni qurmağımız fantastik işdir”.

Bakcell Manchester Unitedlə çoxdan telekommunikasiya və yayım tərəfdaşıdır.

Arnold əlavə edir ki, “Manchester United deyəndə gənc talantların inkişafı baş düşülür, bunlar sinonimdir.”

AFFA prezidenti Rövnəq Abdullayev isə deyib ki, “Bakıda Manchester United futbol məktəbinin yaradılması Azərbaycan futbolu tarixində həlledici hadisədir”.

Bakcell şirkətinin icraçı direktoru Richard Shearer isə deyir ki, Bakcell bu layihəni “Azərbaycan uşaqlarının futbola marağını və ciddi potensialını nəzərə alaraq” seçib. “Bakcell uşaq futbolunu inkişaf etdirməyi məqsəd qoyub. Bizim şirkət bu istiqamətdə bu mühüm işi davam etdirəcək”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG