Keçid linkləri

2024, 28 Mart, Cümə axşamı, Bakı vaxtı 20:33

«Yeddi gözəl» Kaliforniyada...


Qara Qarayevin «Yeddi gözəl» baleti
Qara Qarayevin «Yeddi gözəl» baleti

-

Qara Qarayevin «Yeddi gözəl» baleti Kaliforniyada tamaşaya qoyulacaq.

Xəbəri Bakı şəhər Mədəniyyət və Turizm İdarəsi Azərbaycanın Los-Ancelesdəki baş konsulluğuna istinadən yayıb.

Bu il oktyabrın 11-də təqdim olunacaq baleti San-Dieqo Teatrının ansamblı ifa edəcək.

Grossmont simfonik orkestrinin müşayiət edəcəyi baletin premyerası Mədəniyyət və Turizm Nazirliyinin və Azərbaycanın Los-Ancelesdəki baş konsulluğunun dəstəyi ilə təşkil olunur.

Qara Qarayev «Yeddi gözəl» baletini 1952-ci ildə Nizami Gəncəvinin eyniadlı əsəri əsasında səhnələşdirib.

Baletin ilk tamaşası 1952-ci ildə Azərbaycan Dövlət Opera və Balet teatrında baş tutub.

İlk tamaşada Aişə rolunu Xalq Artisti prima balerina Leyla Vəkilova, sonrakı illərdə Qəmər Almaszadə oynayıb.

«Yeddi gözəl» yarandığı gündən keçmiş SSRİ-nin müxtəlif teatrlarında bir neçə quruluşda, 1970-ci ildə VII Beynəlxalq Rəqs və Balet Teatrları Festivalı çərçivəsində Parisdə, 2002-ci ildə Stokholmda və Höteborqda səhnələşdirilib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG