Bazar ertəsi, Avqust 31, 2015 Bakı vaxtı 18:12

Verilişlər / AzadliqLive

«Corat meydan olubdur Böyük İpək Yoluna»...

Corat kəndiCorat kəndi
x
Corat kəndi
Corat kəndi

Bunu da oxu

Dinlə Coratlıların dəryada balıq sevdası...

Və ya balıqçı şüarı: «Nə olur olsun, gərək balıq başdan iylənməsin»
-
Əzizinəm, yoluna, karvana, el yoluna,
Corat meydan olubdur Böyük İpək Yoluna...

Bir neçə gün öncə –  Sumqayıtda şəhər günü keçirilərkən, bayram tədbiri Corat kəndindən başlamışdı. Kənddə qala divarları tikilmiş, bazar meydanı açılmış, hətta qədim bir gəminin iri maketi qurulmuşdu. Coratın şəninə bayatılar oxunur, kəndin
İpək Yolu üstündə yerləşdiyi vəsf olunurdu.

KƏLƏ-KÖTÜR YOLLAR

Qədim kənd İpək Yolunun üstündə yerləşsə də yolları kələ-kötürdür. Bura gedən sürücülərin ən çox şikayətləndiyi də elə kənd yollarıdır. Tamerlan Əliyev deyir ki, 20 ildən çoxdur Sumqayıtdan Corata sürücülük edir:

«İndi hələ havalar soyuq, yağışlı-palçıqlı deyil. Bir az yağış yağınca, bu yollar biz sürücülər üçün qorxulu yuxuya çevrilir». 

İŞSİZLİK, İŞSİZLİK, YENƏ İŞSİZLİK

Qədim kəndin sakinləri ən çox işsizlikdən gileylidir. Burada çoxlu işsiz gənclə qarşılaşırsan. Onlardan bir neçəsi kəndin mərkəzində, özləri demiş, bekarçılıqdan vaxt öldürürdülər:

– Mən məktəbi qurtarandan sonra işləmək istədim. Ancaq iş tapa bilmədim. İş yoxdur. Heç maraqlanmağa iş adı da yoxdur.

x
– Mən əsgərlikdən gəlmişəm. İşləmək istəyirdim, ancaq iş yoxdur.

– Nə deyim, bekarçılıqdır. Vaxtımızı küçələrdə öldürürük...

Uzun müddət iş axtarışına çıxan Lalənin dediyinə görə, kənddə təkcə gənclər deyil, elə yaşlılar da işsizlikdən əziyyət çəkirlər:

«Nəinki gənclər, yaşlı nəsil üçün də işsizlik ən böyük problemdir. Bu kənddə camaat bir balıqçılıq, bir də sürücülüklə məşğul olur».

Şəhər bayramı günündə Coratda iri gəmi maketinin qurulması təsadüfi deyildi. Gəmi, qayıq, tor, tilov bu kənddən ötrü gündəlik dolanışıq deməkdir.

Əliqulu Pənahov deyir ki, işsizlik coratlıların dənizlə ünsiyyətini mehribanlaşdırıb:

«Qədimlərdən bəri Corat camaatı balıqçılıqla məşğul olur. O vaxtlar qədim dövr idi. İndiyə nə gəlib? İş olsaydı, dənizdə nə işimiz vardı? Adam kimi gedib işimi işləyərdim, daha özümü atmazdım dalğaların qoynuna».

İMKANSIZLIQDAN HƏYƏTLƏRİNİ SATIRLAR

Kənd camaatı deyir ki, kəndin işıq, qaz, su problemi olmasa da, işsizlik ucbatından kommunal xərcləri ödəyə bilmirlər. Torpağını, həyətini satanların sayı gündən-günə artır:
x

«Bura çox kasıb kənddir. Xüsusən son vaxtlar imkansızlığa görə camaat öz həyətini də satır».

Corat dənizin sahilində yerləşir. Evləri dənizə yaxın olanların son vaxtlar qayğıları artıb. Adilə Məmmədova evlərinin köçürüləcəyindən narahatdır:

«Son vaxtlar deyirlər ki, söküləcək. Əksər evlərin də sənədi yoxdur. Çox böyük təşviş var. Necə olacaq? Pul ödəyəcəklər, ya yox? Deyirlər, rayonlara gedən yollar dəniz sahilindən keçəcək. Bütün qonşular narahatdır».

Sumqayıt şəhər İcra Hakimiyyətinin Corat qəsəbəsi üzrə nümayəndəliyinin məlumatına görə, son illər qəsəbə küçələrinin xeyli hissəsi asfaltlanıb. Yeni kanalizasiya xətləri çəkilib. Abadlıq işləri bundan sonra da davam edəcək.

Rəsmilər elə deyir. Bütün hallarda coratlıların üzünün gülməsindən ötrü ən çox iş yerlərinə ehtiyac var. Yoxsa İpək Yolunun üstündə yerləşən bu qədim kəndin eyni açılmayacaq...
Bu forum dayandırılıb
Şərhlər
     
Heç bir şərh yoxdur. Birinci sən yaz

FORUMLAR

Ölənin dostu: «Polisdə üstümüzü axtardılar. Heç nə çıxmadı»

Onunla birlikdə olan dostu Azadlıq Radiosuna danışır

26 şərh

Akif: Əgər dediyin həmin qüvvə varsa, onda nə üçün günahsız insanların ölümünə səbəb olan ... davamı

Sözü kəsilən Xədicəyə hökm sabah 3-də açıqlanır

AzadlıqRadiosunun əməkdaşı, araşdırmaçı jurnalist Xədicə İsmayıla qarşı məhkəmə prosesini dəqiqəbədəqiqə izləməklə yanaşı həm də jurnalistin həbsinə aparan hadisələri yada sala bilərsiz.

23 şərh

Kənan: Bəs Azərbaycanı sevən kimlərdir? davamı

Məhkəməcik

Rəssamın karikaturayla çatdırdığı fikrə münasibətini «Şərhlər» bölümünə yaz!

17 şərh

vetendash: Efsane xanim haqlidi....mehkemecik yox..divanxana davamı

Mehriban Əliyeva - Birinci xanımlığa gedən yol

Azərbaycanın birinci xanımı, həm də hakim partiyada prezidentdən sonrakı pilləyə qədər irəliləmiş Mehriban Əliyevanın həyat yolu infoqrafikada.

16 şərh

Caspi: Hərəviz burda Azərbaycan Azərbaycan deyə bağırırsınız, amma adam kimi Azərbaycan əlifbası kompüterivizdə yoxdur. ... davamı

Neft erasının bitməyinə ona görə sevinirəm ki...

Bəlkə düz deyirlər, biz vətən xainiyik? Bəlkə xalqımızın düşməniyik? Bəlkə insan deyilik, allah bilir, nəyik?

12 şərh

Mubariz: Mende arzu edirdim ki neft 1 dollara düşsun lakin son iki ayda bir ... davamı

Mxitaryan Azərbaycana buraxılacaqmı?

Henrix Mxitaryan nəinki Azərbaycanla müharibə şəraitində olan ölkənin nümayəndəsidir, o habelə işğal olunmuş Qarabağ ərazisinə də səfər edib.

6 şərh

Elvin.: Äyär müxtälif xarici ölkä siyasätçisinä ,mügänniyä
vä biznesmenä belä bir gadaga goyulubsa , ... davamı

Zığda etiraz: «Suyumuzu verin»- [video]

Zığ sakinləri artıq neçənci dəfədir ki, susuzluqdan etiraz aksiyası keçirirlər. Növbəti aksiya avqustun 21də baş tutub

6 şərh

Sewda: Awropalilari gane etmey ucun saraylar tiklisi hic bir hatasiz we wasaiti bitmeyen vaxtindan ... davamı

Ən Çox...