şənbə, Fevral 06, 2016 Bakı vaxtı 02:02

    Verilişlər / İz

    «Yaşar Nurini amansız xəstəliyin pəncəsinə atan bu idi ki, o, içirdi...»

    Aydın TalıbzadəAydın Talıbzadə
    x
    Aydın Talıbzadə
    Aydın Talıbzadə

    Multimedia

    Səs
    -
    «Yaşar Nuri son dərəcə azad aktyor idi».
     
    Bu sözləri AzadlıqRadiosunun «İz» proqramının Yaşar Nuriyə həsr olunmuş xüsusi buraxılışının qonağı olan teatrşünas Aydın Talıbzadə söylədi.

    YAŞARIN AZƏRBAYCAN TEATRINA QAZANDIRDIĞI...

    Onun fikrincə, Yaşar Nurinin Azərbaycan teatrına qazandırdığı ən vacib şey aktyor azadlığı idi:

    «O, istədiyini edə bilirdi və istədiyini də gözəl edə bilirdi! Heç bir göstəriş gözləmədən edirdi. Elə edirdi ki, rejissorlar da onunla razılaşırdılar».

    SAĞLIĞINDA DAHİ ÇAĞIRILANLAR...

    Aydın bəyin fikrincə, Yaşar o aktyorlardandır ki, onu hamı sevdi-- kütlə də, ziyalılar da, hakimiyyət də:

    «Belə sevgi hər aktyora nəsib olan şans deyil. Ona görə də, biz Yaşar Nurini xoşbəxt sənətkar adlandırmalıyıq. Deyirlər, gəlin sağlığında dəyər verək insanlara. Fikrimcə, biz də, bütün Azərbaycan da Yaşar Nuriyə sağlığında qiymət verməyi bacardı. Və mən Yaşar haqqında məqalə yazanda, hələ sağlığında onu dahi aktyor adlandırırdım. Bu da hər aktyora nəsib olmur».

    XOŞBƏXTLİYƏ KÖLGƏ SALAN MƏQAM...

    Verilişin digər qonağı Niyazi Mehdi də Yaşar Nurini «xoşbəxt sənətkar» adlandırmağın əleyhinə olmadı:

    «Hərçənd Yaşar yaxşı kino aktyoru idi və Vaqif Mustafayevin maraqlı filmlərində oynamışdı. Azərbaycanda keyfiyyətli filmlər olsaydı, təsəvvür edin ki, Yaşar necə gözəl obrazlar yaradardı? Məncə, bu məqam onun xoşbəxtliyinə ləkə gətirir. Etiraf edək ki, Azərbaycanda Yaşarın səviyyəsinə uyğun filmlər, seriallar, tamaşalar az olub».

    YAŞAR KAMERANI SEVİRDİ

    Aydın Talıbzadə Yaşar Nurinin bir teatr aktyoru kimi yox, televiziya və kino aktyoru kimi sevildiyini vurğuladı:

    «Yaşar kütlənin aktyoru idi. Bu aktyor kameranı sevirdi. O, kamera üçün oynamağı bacarırdı. Ramiz Həsənoğlunun teletamaşalarında Yaşar Molla Nəsrəddin teatrının aktyoru kimi zühur edirdisə, Vaqif Mustafayevin filmlərində o, özünü absurd teatrın aktyoru kimi tanıdırdı. Və maraqlı bir Absurdistan aktyoru olurdu...».

    YAŞAR NURİNİN ATASINDAN FƏRQİ...

    Aydın bəy Yaşar Nurini atası aktyor Məmmədsadıq Nuriyevlə müqayisə etdi:

    «Mən onunla görüşəndə, deyirdim ki, sənin atan daha böyük aktyor olub. O, bulaq kimi qaynayırdı. Yaşar isə super peşəkar aktyor idi. Nə desən oynaya bilirdi! Yaşarın içində də atasına aşırı bir hörmət, rəğbət hissi vardı. O, bilirdi ki, nə qədər oynasa da, atası ondan öndədir. Bu, qəribə bir duyğudur. Mənə elə gəlir ki, Yaşar elə o yerə--atasına çatmaq istəyirdi... O, vücud olmaq istəyirdi, amma Yaşar Nuri oldu.
    Niyazi MehdiNiyazi Mehdi
    x
    Niyazi Mehdi
    Niyazi Mehdi
    Bu da Azərbaycan mədəniyyəti üçün son dərəcə gözəl idi. Çox az sənətkar özünə adekvat dəyəri ala bilir...».

    YAŞAR NURİNİN HƏYATI NECƏ KEÇDİ?

    Aparıcının: «Nəyi çatırdı, nəyi çatmırdı Yaşar Nurinin? Ya bəlkə Azərbaycan aktyorları elə miskin gündədirlər ki, adi aktyor həyatı çoxlarına bəzəkli görünürdü?» sualını Aydın bəy belə cavabladı:

    «Səhnə sənətçisinə ən çox tamaşaçı sevgisi lazımdır. Ona görə də, sevginin qucağında yaşayan adam o qədər də qayğılanmır. O, həmişə şən olurdu. Şənliyi yalandan oynamırdı. İçi o qədər dolu bir insan idi ki, bu onu daha cəlbedici edirdi. Öz fikri, öz düşüncəsi və daxili müstəqilliyi olan bir adam idi».

    O, İÇİRDİ...

    Aydın Talıbzadə: «Onu amansız xəstəliyin pəncəsinə atan səbəb nə idi» sualının cavabında Aydın Talıbzadə belə söylədi:

    «Səbəb bu idi ki, Yaşar Nuri içirdi... Səbəb bu idi ki... sevgidən də məst olmaq olar. Sevgidən də içkiyə qurşanmaq olar. Yaşar elə bilirdi ki, bu sevgi onu daima yaşadacaq. Son məqama qədər—öləcəyinə heç bir şübhə qalmayanda belə səhnəyə çıxırdı. Deyirdi ki, mən yaşayıram və yaşayacağam! Necə yaşamışamsa, o haqdır. Ölümdən qorxmuram! Onu dilləndirən, ölüm qarşısında qorxusuz edən məqam ona olan tamaşaçı sevgisi idi».

    ŞÖHRƏTLİ ADAMLARIN XƏSTƏLİYİ—DARIXMAQ...

    Niyazi Mehdinin fikrincə, dünyadakı intellektual və mənəviyyat adamlarının ciddi bir problemi var:

    «Darıxmaq! Elə sənətkarlar var ki, dünyada darıxmağı içkisiz həll edə bilirlər. Məsələn, Vaqif İbrahimoğlu, Telman Adıgözəlov... Eləsi də var ki, məsələn, pop ulduzları və s. darıxmağı içki ilə, narkotiklə aradan götürürlər. Görünür, Yaşar Nuri də darıxmağı bu yolla özündən uzaqlaşdırırmış...».

    KİM DEYİB Kİ, SƏN XOŞBƏXT OLMALISAN?

    Aydın Talıbzadə bu məsələdə Niyazi bəylə razılaşmadı:

    «Aktyor həyatı elədir ki, bu gün buradasan, sabah başqa yerdə. Bu tip insanlar içki ilə həyatlarına rəng qatırlar. Çünki onların dincəlmək vaxtı azdır. Stressi çıxarmaq üçün isə içkiyə üz tuturlar... Həyatda ən xoşbəxt sənətkar belə ən qəmli məqamlardan keçir. Gəlin, bu məqamı unutmayaq. Mütləq xoşbəxtlik yoxdur. Federiko Fellininin «Səkkiz yarım» filmində qəhrəman soruşur ki, Müqəddəs Ata, mən niyə xoşbəxt deyiləm? Deyir, oğlum, kim deyib ki, sən xoşbəxt olmalısan? Odur ki, Yaşar Nurinin digərləri ilə müqayisəsi, mənim fikrimcə, etik deyil. Çünki onlar başqa-başqa dünyaların adamları idilər...».
    Bu forum dayandırılıb
    Şərhləri sırala
    Şərhlər
         
    Kimdən: azadliq carcisindan Haradan: Olkemden
    13.12.2012 17:51
    Evvela salamlar her kese Yasar Nurinin olumune sebeb olan amilin icki olduqunu oxuduqdan sonra cox pis oldum cunki bele bir nehengi mehv eden bu olmamali idi. Amma buna baxmayaraq yene de basda Yasar Nurimiz olmaqla veteni xalqi ve medeniyyeti ucun ter tokmus ve bu dunyadan kocmus her kese allahdan rehmet dileyirem.

    Kimdən: Avropadan
    12.12.2012 06:35
    Yashar ,yaddashlara hekk olan senetkardir,esas sebebkar dunyaya goz acdigi mekan,zaman,etraf muhut olub,sonra tehsil.Rehmetlik evez olunmaz NESIBE Zeynalova kimi.Mushahidecilik,gorub goturme ve ozunkileshdirme qabiliyyeti.Yashar Bakinin yuxari mehelelerinn yetishdirmesidi.Onun,yashadigi muhut etraf esasen sade insanlarla beraber, vuran kesen,mehbus heyati yashamish ve birde sayca azda olsa, savad biliyi ile,istedadi ile ekser savadli,elimli,biliklilerden,senetkarlardan cox cox ustun olan insanlarin yashadigi mekan olub.Orda namus qeyret ,halal haram ve din iman esas idii.Yashar, Allah sene rehmet etsin, senet ve senetkarliq xatirine ,ya insanliq, yoldashliq,dostluq xatirine,hamiynan mehribanciliq edib gorub goturub senetindede yerinde ishledib.Ona gorede , Meshedi ibad filminde Rustem beyin evinde dava sehnesinde istirak edenlerin arasinda,Hicran tamashasinda Nesibe, Seyavush, Hacbaba, cay icme sehnesinde yeri gorunen senetkardir. Ressam sovetskili telebe yoldashi professor A.R.

    Kimdən: oxucu
    03.12.2012 23:26
    Niyazi Mehdi haglidir. Ichki ve narkotik senet, incesenet adamlarinin "heyat dayagidir". Ne yaziglar olsun ki bu beledir..
    A,Talibzade ise sadece olarag xoshagelimli sheyler demeye chalishir..
    Mobil əlavə
    Başqa sorğulara da bax Sorğu arxivi

    FORUMLAR

    Əli Kərimli İlham Əliyevi debata çağırır

    “Azadlıq” qəzeti yazır ki, İlham Əliyev AXC hakimiyyətində vəzifə tutan ayrı-ayrı şəxslər, o cümlədən Əli Kərimli haqda həqiqətdən uzaq ifadələr işlətməkdənsə, Əli Kərimli ilə debata çıxsın

    33 şərh

    Ilqar: Goresen Ilham Elijev 1992-93cu illerde ne ishle meshqul idi ki indi muraciet edir ... davamı

    Hər rayon özü-özünü dolandırmalı olacaq - Əli Həsənov

    “Hər il Çindən Avropaya və əksinə 300 milyon tondan çox yük daşınır. Azərbaycan bunun 10 faizini qəbul edib ötürə bilsə, əldə olunan gəlirlər çox böyük perspektivlər açacaq”

    15 şərh

    dima: Qardas bu insaliqdan uzaq olan hokumetdi milleti qirir davamı

    Azərbaycanın hansı rayonu özü-özünü dolandıra bilər?- [Fikrini de]

    Fikrini aşağıdakı "Şərhlər" bölümünə yaz!

    12 şərh

    Niko: Butun rayonlar oz ozlerini dolandirar eyer oliqarxlar terefinden zept olunmush torpaqlar sahiblerine geri ... davamı

    Ən çox...