Bazar ertəsi, May 30, 2016 Bakı vaxtı 22:17

    Siyasət

    Elşad Abdullayev hədələndiyini deyir

    Elşad AbdullayevElşad Abdullayev
    x
    Elşad Abdullayev
    Elşad Abdullayev
    Fəaliyyəti dayandırılan Azərbaycan Beynəlxalq Universitetin rektoru Elşad Abdullayev deputat Gülər Əhmədova ilə bağlı iddia olunan rüşvət videosunu yayandan sonra hədələndiyini bildirir.

    O, həm bununla, həm də insan oğurluğunu həyata keçirən mütəşəkkil cinayətkar dəstə haqqında 2008-2009-cu illərdə Baş Prokurorluğa və Milli Təhlükəsizlik Nazirliyinə göndərdiyi faktların araşdırılması ilə bağlı sentyabrın 26-da Baş Prokurorluğa video müraciət ünvanlayıb.

    Müraciətdə deyilir:

    «Deputat Gülər Əhmədovanın Prezident Administrasiyasının rəhbəri Ramiz Mehdiyevə vermək adı ilə məndən 2 milyon dollar alma prosesini əks etdirən videogörüntülər yayıldıqdan sonra ünvanıma hədə və qorxu ilə müşayiət olunan tələblərin ardı-arası kəsilmir. Təsirlərində olan KİV və sosial şəbəkələrdə aparılan böhtan və şər kampaniyası ilə yanaşı, Azərbaycanda adam oğurluğu ilə məşğul olan cinayətkar dəstə tərəfindən mənə və qohumlarıma qarşı fiziki məhvetmə də daxil olmaqla müxtəlif xəbərdarlıqlar edilir».

    HÜQUQ-MÜHAFİZƏ ORQANLARINA YÜZLƏRLƏ MÜRACİƏT...

    Hazırda Fransada mühacirətdə olan Elşad Abdullayev bildirir ki, o, Azərbaycanda olduğu müddətdə insan oğurluğu ilə bağlı hüquq-mühafizə orqanlarına audio-video materiallarla birgə yüzlərlə müraciət göndərib. Amma onların heç biri indiyə qədər araşdırılmayıb.

    «Mən baş prokurorluqdan tələb edirəm həmin audio və videogörüntülərin də obyektiv ekspertizası keçirilsin və aydınlıq gətirilsin. Azərbaycanda dövlətin güc və qüvvəsindən istifadə etməklə adam oğurluğu ilə məşğul olan mütəşəkkil dəstə cinayət  məsuliyyətinə cəlb olunsun».

    Elşad Abdullayev sentyabrın 26-da deputat Gülər Əhmədovanın ondan rüşvət istəməsini əks etdirən video yayıb. Sabiq rektor iddia edir ki, həmin görüntüdə hakim Yeni Azərbaycan Partiyasından olan deputat Gülər Əhmədova deputat seçilməsi və qardaşının girovluqdan azad olunması üçün ondan 2 milyon dollar pul tələb edir.

    Gülər Əhmədova isə bu iddiaları qəbul etmir, bildirir ki, bununla onu şantaj etmək istəyirlər. Video isə montajdır.
    Bu forum dayandırılıb
    Şərhləri sırala
    Şərhlər
         
    Kimdən: mirtiz
    28.09.2012 14:34
    o videodaki guler ehmedova deyil,onun xeberi olmayan ekiz bacisinin videosudur.o dartanyanin jelezni maska kinosundaki shahi qacirdillar ve yerine ekiz qardasini qoydular e,bax buda hemin o meseledir.tak 4to arvadin ustune ser bohtan atmayin,quru mayisa isdiyen arvaddi.

    Kimdən: Cavidan Haradan: Baki
    27.09.2012 21:38
    Azərbaycanda bütün biabırçılıqlar YAP-dan və YAP-ı özəlləşdirmiş yüksək məmurlardan gəlir. Bu videolardan sonra hamıda belə təsəvvür yaranır ki, YAP Siruz Təbrizlinin sözü ilə desək QULDURLAR YUVASIDIR və bu yuvanın başında Prezidentin adını batıran Prezident administrasiyasının başçısı durur.
    Gülər Əhmədova kimiləri deputat stoluna oturan da odur və indi Azərbaycanı ələ keçirən klanları idarə edən də odur. Azərbaycan Prezidentindən qətiyyətli addımlar gözləyirik, çünki söhbət Azərbaycanın sivil ölkə olmasından gedir, YAY mafiyasından yox. Prezident bu quldur yuvasına son qoymalıdır, çünki Azərbaycanın bütün bəlaları buradandır.

    Kimdən: Leyla Haradan: Bakı
    27.09.2012 15:07
    Gülər Əhmədova video görüntülərdə azərbaycanlı xanımına, ümumiyyətlə qadına yaraşmayan hərəkətləri ilə özünə qarşı yalnız ikrah hissi yaratmışdır. Adamda istər-istəməz şübhə yaranır ki, sanki bu qadın heç bir ailə tərbiyəsi görməyib. Baş prokurorluq nala-mıxa vurmadan, müxtəlif gülünc bəhanələr gətirmədən Gülər Əhmədovanın deputat toxunulmazlığının əlindən alınması barədə vəsatət qaldırmalı və onun haqqında cinayət işinə başlamalıdır. Əks halda bu ölkədə qanunun şah deyil, şahın, pulun, YAP siyasətinin qanun olduğunu açıq surətdə bildirsinlər və bizlərdə başımızın çarəsini qılaq.

    Kimdən: llham Haradan: Pekin
    27.09.2012 13:02
    Montaj ? ) ) ) Guler Ehmedova buna sen montaj deyirsen amma senden bashqa minlerle insan bu videolara baxir hec kim montaj demir.
    Cavab

    Kimdən: haci
    27.09.2012 22:07
    Bali Azarbaycanda o kadrlar montajdir.Birca yolu var o poliki Avropa mahkamalarina gondarib ekspertiza etdirmak lazimdir.Bizimkilarin agzi nadirki orjinal oldugunu desin.
    Mobil əlavə
    Sorğu arxivi

    FORUMLAR

    Dərslərin iyunun 14-də bitməsi narazılıq yaradıb

    "Yayın istisində uşaqlar dərsdə necə oturacaq? Bunu fikirləşən yoxdur. Xahiş edirik, dərslər əvvəlki kimi 1 sentyabr -25 may arasında keçirilsin”.

    19 şərh

    Sonya: Heç də düzgün deyil iyun ayında dərslərin bitməsi. Dərs keyfiyyəti artmıraq üçün keyfiyyətli ... davamı

    Xədicə İsmayıl: "Heç kəs mənə yazmağı qadağan edə bilməz"

    AzadlıqRadiosunun əməkdaşı Xədicə İsmayıl şərti cəza ilə azad edildi.

    18 şərh

    наджибулла: Tarixi sexsiyyet mehz bele yaranir. davamı

    Cümhuriyyət qurucularına dövlətin münasibəti səni qane edirmi?- [Fikrini de]

    Fikrini aşağıdakı "Şərhlər" bölümünə yaz.

    13 şərh

    Asiman Əsədsoy: Birincisi, bu dövlətin deyil, hökumətin münasibətidir. İkincisi, xalqına dəyər verən başçı xalqın dəyərlərinə ... davamı

    Ən çox...