Bazar ertəsi, Dekabr 22, 2014 Bakı vaxtı 22:22

Verilişlər / Kontekst

20 yaşında qoca

«Azadlıq» qəzetinin ilk sayı«Azadlıq» qəzetinin ilk sayı
x
«Azadlıq» qəzetinin ilk sayı
«Azadlıq» qəzetinin ilk sayı

Multimedia

«Azadlıq» qəzetinin bugünkü iş günü o biri günlərindən bir az fərqlənirdi. Azərbaycan nəşriyyatının 9-cu mərtəbəsində yerləşən redaksiyanın üç kiçik otağından birində əməkdaşlar ayaqüstü ad gününü keçirirdilər. Dekabrın 24-də qəzetin düz 20 yaşı tamam olurdu. «Turan» agentliyinin direktoru Mehman Əliyev tort da alıb gətirmişdi.

QƏZET ARTIQ İKİNCİ İLDİR Kİ, AD GÜNÜNÜ BAŞ REDAKTORSUZ KEÇİRİR

Qəzetin əməkdaşları deyirlər ki, əslində onlar üçün adi bir iş günüdür. Qəzet artıq ikinci ildir ki, ad gününü baş redaktoru Qənimət Zahid həbsdə ola-ola keçirir. Ona görə bayram əhval ruhiyyəsində deyillər.

Qəzetin müxbiri Aytən Məmmədova deyir ki, o da digər əməkdaşlar kimi neçə illərdir sıxıntı içində işləyir, ancaq:

«İş şəraitimizə, kompyuterlərimizə baxsanız, görərsiniz ki, biz o qədər də rahat bir şəraitdə işləmirik. Ancaq əsas odur ki, biz belə bir çətin şəraitdə özümüzü çox rahat hiss edirik. Bu da «Azadlıq» qəzetindəki ab-havadan irəli gəlir. «Azadlıq»da sözünün əsl mənasında azadlıq var».

Xəyal arzulayır ki, gələn ilki ad gününü baş redaktorla bir yerdə, həm də mətbuat üçün azad bir mühitdə qeyd etsinlər:

«Azadlıq» bizim həyat tərzimizdir»
«Azadlıq»a qarşı basqıların, təzyiqlərin olmamasını istərdim. Axı hər bir jurnalist normal mühitdə işləmək istəyir».

«Azadlıq»ın yeni əməkdaşlarından olan Fizzə deyir ki, bu qəzetdə işləməyi özü üçün fəxr bilir.

«Azadlıq» qəzetinin 1989-cu il dekabrın 24-də çıxan 1-ci nömrəsini oxumuşam. Onda mənim 9 yaşım vardı. O vaxtdan bu qəzetin oxucusuyam».

«YENƏ QAYIDIB BURA GƏLİRLƏR…»

Ad gününə «Azadlıq» qəzetinin veteran əməkdaşları da gəlmişdilər. Qəzetin ilk nömrəsini çıxaranlardan biri İsrail Musayev:

«Azadlıq»da işləyən adamları hara aparsan, yenə qayıdıb bura gəlirlər. Mən alın yazısına inanmasam da, bu baxımdan «Azadlıq» bizim alın yazımızdır. «Azadlığ»ı bizim alın yazımız olmasına inanıram...»

«AZADLIQ» BİZİM HƏYAT TƏRZİMİZDİR»


Bahəddin Həziyev isə deyir ki, veteran əməkdaşlar bu gün bura gəlməyə bilməzdilər:

Mirzə Sakit
«Çünki «Azadlıq» bizim həyat tərzimizdir. Hər insanın bir taleyi var. Bu da bir taledir. Tək burda işləyənlər yox, başqa yerdə işləyənlərin, «Azadlıq» qəzetinin oxucularının da taleyidir».

İsrail Musayev elə redaksiyanın dəhlizində təklif edir ki, qəzetin bir nömrəsini bir gün elə veteranlar yığışıb çıxarsınlar. Günü də təklif edir – iyunun 24-də, qəzetin ilk redaktoru olmuş, mərhum Nəcəf Nəcəfovun ad günündə.

MİRZƏ SAKİTİN ARZULARI

Qəzetin bir neçə aydır həbsdən çıxmış əməkdaşı Mirzə Sakitinsə ürək sözləri belədir:

«Arzulayıram ki, «Azadlıq» 200 ildən sonra da fəaliyyət göstərsin. Nə qədər ki, adamlar azadlıq arzulayırlar, «Azadlıq» qəzeti də fəaliyyət göstərəcək. Mən buna inanıram...»

Bu forum dayandırılıb
Şərhləri sırala
Şərhlər
     
Kimdən: A.Alizade Haradan: baki
27.12.2009 22:15
AZADLIQ azad fikirle yazdiqca oxuculari daim olacaq ve daimi Azadligin arxasinca gedecekler.... sagolsun AZADLIQ.

Kimdən: Aygun Haradan: Baki
25.12.2009 17:34
Azadliq qazetinin ilk nusxesi chox yaxshi yadimdadir(onda menim 9 yashim vardi).Tofiq Fikretin "Millet sherqisi" sherini yashidlarimdan daha tez ezberlediyime gore atam mene pul mukafati da vermishdi (ved etdiyinden daha chox verdi ki hech vaxt unutmayam) ))) hele de unutmamisham

Kimdən: Firudin Haradan: Keshlaburg
25.12.2009 11:46
Yaşa, Azadlıq!

Kimdən: Fuad Haradan: Sumqayıt
25.12.2009 11:10
Azadliqimiz.Tk

Kimdən: azer Haradan: baki
25.12.2009 01:37
Azadliqa ve emekdaslarina ad gunu munasibeti ile yox Azadliq kimi hemise ugurlar arzulamisam yenede arzulayiram.Azadliq menimdir,bizimdir.o gun olsun Qqenimet beyde oz ailesine(azadliqdaki ailesinede)sag-salamat tez bir zamanda qayitsin.Azadligi cox diqqetle izleyirem (imkanim olduqca)amma azadliga bir umkusum var adam umdugu yerden kuser.demeli men dindaram ama molla deyilem,radikalda deyilem,cahilde deyilem,esil islami muselman kimi muselmanam.ancaq azadliqda sanki islam dini eleyhine dusunulmus yazilar gedir.dusunulmus sekildedirse burasi pis,islami elimsizlikdendirse,umuram ki,gelecekde dinden basi cixan birisi bu isle mesgul olar.yox eger mueyyen maraqlar esasindadirsa bundan cekinmeyinizi xahis edirem.din cox ince meseledir.birde unutmaq olmaz ki,hormetden duseni ikinci defe hormete qaldirmaq cetin meseledir,belkede mumkun deyil.bir daha size ugurlar arzulayiram.Allah size en dogru yolu gostersin ve sizi sabit etsin.UGURLAR.

Kimdən: Senuber Haradan: Bakı
25.12.2009 01:15
Ay Londondaki Azad bey, Qezetin bas redaktoru Qenimet Zahiddir. Turmede olan da odur.
Mirze shairdi. O da turmeden bir nece aydir cixib.

Kimdən: Naıle Haradan: Bakı
24.12.2009 23:25
'Azadliq' qezetinin butun emekdaslarini yubiley munasibeti ile tebrik edirem. Arzu edirem biz heqiqi azadligi cemiyyetimizde tapa bilek. Bir vaxtlar men 'Azadliq ' qezetinin lap 1-ci nusxesinden baslayaraq hamisini alib yigirdim. Sonra basima o qeder isler geldi ki, bilmedim o qezetleri hara qoydum. Indi de teessuflenirem ki, o qezetleri qoruyub bu gine kimi saxlaya bilmedim.

Kimdən: Analitik Haradan: Bakı
24.12.2009 23:24
Halaldı, "Azadlıq"a!!!

Kimdən: Millətçi Haradan: Bakı
24.12.2009 22:23
ALLAH KÖMƏYİNİZ OLSUN.

Kimdən: Azad Haradan: London
24.12.2009 19:57
"Azadlıq" qəzetinin redaksiya heyətini, onun baş redaktoru vətənpərvər Mirzə Sakit bəyi yubiley ilə əlaqədar ürəkdən təbrik edirəm! Gün o gün olsun ki, "Azadlığın" ideyaları dillər əzbəri olsun, kütlələri arxasınca aparsın! Mirzə bəyin da yolu yaxın olsun!