«Harpers Bazaar» jurnalı 30 manata
Mehriban Əliyeva jurnala müsahibəsində ailə həyatından, həyata keçirdiyi mədəniyyət layihələrdən bəhs edib
07.10.2009
Bakının mərkəzində «Harpers Bazaar» jurnalı 30 manata satılır. Bu jurnal Azərbaycanın birinci xanımı Mehriban Əliyevanın müsahibəsini verib. O, ailə həyatından, həyata keçirdiyi mədəniyyət layihələrdən bəhs edib.
«Qaya» mətbuat yayımı şirkətindən deyirlər ki, bu jurnalın abunə qiyməti 6 manat 40 qəpik, satış qiyməti isə 8 manatdır.
«Qaya»nın rəhbəri Xanhüseyn Əliyev bildirir ki, jurnalın 12, hətta bəzi yerlərdə 20 manata satılmasından xəbəri var:
«Əminəm ki, lap 50 manata satılsa da, onu alacaqlar. Məmurlar bu jurnalı alıb stolun üstünə qoyacaqlar».