Vertolyot qəzasında ölənlərin cəsədləri sudan çıxarıldı

İyulun 12-də qəzaya uğrayaraq Xəzər dənizinə düşmüş «AZAL»a məxsus «Mi-8» tipli vertolyotda olmuş daha 2 nəfərin cəsədi sudan çıxarılaraq ailələrinə verilib.

Bu barədə «Azadlıq» radiosuna «AZAL»ın mətbuat xidmətinin rəisi Məhərrəm Səfərli məlumat verib.

M. Səfərlinin sözlərinə görə, cəsədlər gecə saatlarında çıxarılıb: «Hazırda şərait vertolyotun qalıqlarını çıxarmaq üçün əlverişli olmadığından xilasedicilər havanın sakitləşməsini gözləyirlər».

«AZAL»a məxsus «Mi-8» vertolyotu iyulun 12-si saat neftçiləri platformadan götürüb havaya qalxarkən qəzaya uğrayıb. Nəticədə vertolyotun bortundakı 6 nəfərdən 2-si ölüb, 4 nəfər isə xilas edilib.