«Belə addım demokratik ölkələr üçün qəbul edilən deyil. Düşünürəm ki, bunu tətbiq etməmək daha yaxşı olar».
Avropa Şurasının Azərbaycan üzrə həmməruzəçisi Andres Herkel YAP təmsilçilərinin Konstitusiyada prezidentin iki dəfədən artıq seçilməsini qadağan edən müddəanın dəyişdirilməsiylə bağlı təklifini şərh edərkən «Azadlıq» radiosuna belə deyib. Onun sözlərinə görə, bu məsələ demokratik ölkələrdə iki dəfəlik müddətlə məhdudlaşır:
«Mən ümid edirəm ki, dövlət hüququnun inkişafı kimdən asılıdırsa, o adamlar beynəlxalq təcrübəni öyrənəcəklər və Venesiya Komissiyasının tövsiyələrini nəzərə alacaqlar».
Cənab Herkel deyib ki, Avropa Birliyinin üzvü olan ölkələrin heç birində bir nəfərin iki dəfədən artıq prezident seçilməsinə imkan verən qanunun olduğunu xatırlamır.
Dekabrın 16-da Milli Məclisin iclasında hakim Yeni Azərbaycan Partiyasının (YAP) icra katibi Əli Əhmədov Konstitusiyada bir nəfərin iki müddətdən artıq prezident seçilməsinə qoyulan qadağanın götürülməsinə dair referendum keçirilməsi təklifi ilə çıxış edib.
Hazırkı dövlət başçısı İlham Əliyevin səlahiyyət müddəti 2013-cü ildə başa çatır.
Azərbaycan Konstitusiyasına görə, bir nəfər iki müddətdən artıq prezident ola bilməz. Bir müddət öncə də iqtidaryönlü deputatlar bu maddənin dəyişdirilməsi fikrini səsləndiriblər.
Avropa Şurasının Azərbaycan üzrə həmməruzəçisi Andres Herkel YAP təmsilçilərinin Konstitusiyada prezidentin iki dəfədən artıq seçilməsini qadağan edən müddəanın dəyişdirilməsiylə bağlı təklifini şərh edərkən «Azadlıq» radiosuna belə deyib. Onun sözlərinə görə, bu məsələ demokratik ölkələrdə iki dəfəlik müddətlə məhdudlaşır:
«Mən ümid edirəm ki, dövlət hüququnun inkişafı kimdən asılıdırsa, o adamlar beynəlxalq təcrübəni öyrənəcəklər və Venesiya Komissiyasının tövsiyələrini nəzərə alacaqlar».
Cənab Herkel deyib ki, Avropa Birliyinin üzvü olan ölkələrin heç birində bir nəfərin iki dəfədən artıq prezident seçilməsinə imkan verən qanunun olduğunu xatırlamır.
Dekabrın 16-da Milli Məclisin iclasında hakim Yeni Azərbaycan Partiyasının (YAP) icra katibi Əli Əhmədov Konstitusiyada bir nəfərin iki müddətdən artıq prezident seçilməsinə qoyulan qadağanın götürülməsinə dair referendum keçirilməsi təklifi ilə çıxış edib.
Hazırkı dövlət başçısı İlham Əliyevin səlahiyyət müddəti 2013-cü ildə başa çatır.
Azərbaycan Konstitusiyasına görə, bir nəfər iki müddətdən artıq prezident ola bilməz. Bir müddət öncə də iqtidaryönlü deputatlar bu maddənin dəyişdirilməsi fikrini səsləndiriblər.
