Qlobal sarsıntıya qarşı qəti tədbirlər…

Vaşinqton sammitində 20 ölkənin liderləri gələcək qlobal iqtisadi sarsıntının qarşısını almaq üçün qəti tədbirlər görmək qərarına gəliblər.

Sammitinin yekununda bəyannamə qəbul edilib. 6 bəndlik sənəddə maliyyə bazarlarında sabitlik və şəffaflığı təmin etmək də daxil olmaqla təcili tədbirlər görülməsi nəzərdə tutulur. ABŞ prezidenti Corc Buş sammitin uğurlu olduğunu deyir:
 

«Maliyyə sistemini 21-ci əsrin reallığına uyğunlaşdırmaq üçün müəyyən prinsip və tədbirlərin razılaşdırılması əsas nailiyyətlərdən biridir».

Növbəti sammitdə təqdim etmək üçün liderlər maliyyə nazirlərinə martın 31-dək konkret təkliflər hazırlamağı həvalə ediblər.

Növbəti sammit gələn ilin aprelində Londonda keçirilə bilər.