Günün SMS-i
«Can Bakı»

«Bir məhbus cinayət etdikdə, azadlıqdan məhrum edilir. Bəs biz görən, nə cinayət etmişik ki, «Azadlıq»dan məhrum olunuruq?» (Xətai)
SMS arxivi
(+994 50) 744 10 17
 
 
 
Sorğu
... ... ...
 
 

Kontekst

Bakıda qışın əbədi problemi – istilik sistemi…

Sakinlər evlərindəki «otoplenya» sisteminin işləməməsindən narazıdırlar

14.11.2008

Noyabrın 15-dən ölkədə qış rejiminə keçilsə də, paytaxtın bəzi yaşayış massivlərində təkcə qazın zəif verilməsindən narazılıq eşidilmir. Bakının Nərimanov rayonu, Əliəşrəf Əlizadə 35, 37, 39 saylı binalarda yaşayanlar həm də evlərindəki eldə daha çox «otoplenya» kimi tanınan istilik sisteminin işləməməsindən narazıdırlar. Bu ərazidə yaşayan Arif Muradov deyir ki, iki il əvvəl Azəristiliktəchizat Səhmdar Cəmiyyəti təsis olunanda sevincləri yerə-göyə sığmayıb ki, elektrik enerjisinə nisbətdə xeyli ucuz istilik ala biləcəklər. Soyuqda-boranda mənzillərində üşüməyəcəklər.

Amma sakinlərin ümidləri özünü doğrultmayıb: «Qazanxananı dəyişdilər. Yeni tipli qurğu qoydular. Amma qaz boruları köhnə olduğundan zəif veriləndə təzyiq az olur. O aparat da elədi ki, təzyiq az olanda işləmir. Qış vaxtı burda elə dözülməz şərait yaranır ki…»

Azəristiliktəchizat Səhmdar Cəmiyyətinin müştəri və abonent şöbəsinin rəhbəri Rafiq Əliyev deyir ki, onlar yalnız qazanxanaları müasirləşdirirlər. İstiliyi mənzillərə daşıyan avadanlıq köhnə olduğundan belə problemlə yaranır:

« 60-70-ci illərin borulardı, heç vaxt əsaslı təmir olunmayıb. İstismar müddəti keçdiyindən boruları içi kəc bağlayır. Həmin binalarda dik qalxan dayaqlar dəyişdirilməlidir. Boruların mənzillərdən keçən hissəsini isə sakinlər təmir etdirməlidirlər».

Rafiq Əliyev deyir ki, onlar balanslarında olan 3 mindən çox binadan 2 minə qədərinin qazanxanasında yenidənqurma işləri apara biliblər. Eləcə də paytaxtdakı bütün məktəblərin istilik sistemiylə təmin olunacaqlarına söz verirlər. Amma Rafiq Əliyev deyir ki, şəhərin mərkəzindəki bəzi memarlıq əhəmiyyətli yaşayış binalarında, bir də mikrorayonlarda yerləşən 150 binanı istilik sistemiylə təmin edə bilməyəcəklər:

«Şəhərin mərkəzindəki bəzi binalarda istilik mənbələri sıradan çıxıb, yenidənqurma işləri aparılıb. Orda da artıq qazanxana tikməyə yer yoxdur. Onlara istilik vermək problem olacaq. Bir də mikroraoynlarda 150-yə qədər binada istilik sisteminin bərpa olunması üçün gərək yeni sxem işlənə, yəni kiminsə döşəməsi sökülə, ya tavanı. O da mümkün deyil».

Uzun müddət istilik sistemi işləmədiyi üçün bəzi sakinlər mənzillərini təmir elətdirərkən «otopleni»yaları söküb atıblar. Rafiq Əliyev deyir ki, bu binalarda qazanxanalar qurulanda mənzil sahibləri istilik sistemini özləri almalıdırlar.

Dövlət büdcəsindən İki il əvvəl yaradılan Azəristiliktəchizata üst-üstə 30 milyon manatdan çox vəsait ayrılıb. Bəzi iqtisadçılar hesab edirlər ki, qoyulan investisiya öz səmərəsini hələ göstərməyib. İqtisadçı İlham Şaban deyir ki, onun da mənzili mərkəzi istilik sisteminə qoşulub, amma soyuq aylarda onun istiliyinə qızına bilmirlər.

İlham Şaban deyir ki, əslində bu xidmət bir Səhmdar Cəmiyyətinin ixtiyarına verilməməlidir. Onun fikrincə, bir neçə şirkətin mənzillərin qızdırılması üçün xidmət təklif etməsinə şərait yaradılsaydı, əhali daha keyfiyyətli istilik dala bilərdi və elektrik enerjisinə də qənaət edilərdi.

Yeri gəlmişkən, bu sistemdən istifadəyə görə, qış mövsümündə 1 kvadratmetr mənzil sahəsi üçün qiymət 5 qəpikdir. Məsələn, 100 kvadratmetrlik yaşayış sahəsi üçün, yəni 5 ay ərzində hər aya 5 manat ödəmək lazımdı. Büdcə təşkilatları 1 kvadrata 12, təsərrüfat hesablı idarələr isə 22 qəpik ödəyəcək.
 
 
Şərhin var?
Ad *
Məkan
E-mail
Şərh *
Yazmazdan əvvəl FORUMUN QAYDALARINI oxu

İsmarışlar 1-2 (2)
Kimdən: Mübariz Haradan: Bonn
14.11.2008 23:46

Män özümü bildim biläli Azärbaycan'da här zaman evläri isitmäk problemi olub vä bu gündä dävam etmäkdädir. Dogrusu Avropa'ya gälänä qädär bunlari normal olaraq qarshiliyirdim. Birdä buraya gäländän sonra 18 il sonra ayildim ki bunlarda hech bir zaman ishiqlar sönmäz kanazasya tutulmaz evlärdä isti vä ya soyuq su käsilmäz ev isiticilar ataplenyalar hech bir zaman istisiz qalmaz. inanin 18 il ärzindä bälkä 1 vä yaxud iki däfä su käsilmish´vä yaxud ishiq sönmüsh o da tämir üchün onuda öncädän gälib bildirirlär. Dogurdanda chox mühdäshäm bir sistem qurmushdar. Bu qaädär chox äksiklärä Azärbaycan xalqi säbir göstärmäsinä män mähättäl qalmisham

Kimdən: Elnur Haradan: Bakı
14.11.2008 19:50

Bakının qışını şərh etmək üçün yaxşı şair, yaxud yazıçı olmaq lazımdır. Həmin dövrdə Bakı ən ucqar kəndləri xatırladır , hansında kı, insan "yaşamır". Amma ruhdan döşməyə dəyməz. Çünki yenə də yekə məmurlarımız qışda heç bir problem olmayacağı ilə bağlı özlərindən də yekə bəyanatlar verirlər. Əsas odur ki, Artur müəllim hələ də baş nazirdir və Xarici siyasətimizə Azərbaycan dilində rəhbəri olduğu nazirliyin adına uyğun danışan Elmar Məmmədyarov rəhbərlik edir. Yaşasın Hacıbala Abutalıbov. O, bütün problemləri həll edəcək!!!

İsmarışlar 1-2 (2)