Günün SMS-i
«Can Bakı»

«Bir məhbus cinayət etdikdə, azadlıqdan məhrum edilir. Bəs biz görən, nə cinayət etmişik ki, «Azadlıq»dan məhrum olunuruq?» (Xətai)
SMS arxivi
(+994 50) 744 10 17
 
 
 
Sorğu
... ... ...
 
 

Siyasət

Norveç Azərbaycanda xarici radioların aqibətindən narahatdır

Norveç Xarici İşlər Nazirliyinin binası

12.11.2008

Norveç Xarici İşlər Nazirliyi BBC, Azad Avropa/Azadlıq Radiosu və «Amerikanın Səsi» radiolarının sərbəst yayımının dayandırılması haqda Azərbaycan Milli Teleradio Şurasının bəyanatlarından doğan narahatlığa şərik çıxdığını bəyan edib. Bəyanatda deyilir ki, belə bir qərar Azərbaycanda plüralistik medianın inkişafına xeyr gətirməyən, əksinə ona zidd bir addım olardı.

Bəyanatda bildirilir ki, Norveç özünün Azərbaycanla olan münasibətlərində demokratiyanın, hüquqi dövlətin və insan haqlarının inkişafına təsir edən məsələlərə böyük əhəmiyyət verir.

Azad və müstəqil mətbuat, o cümlədən beynəlxalq xəbər mənbələrindən sərbəst şəkildə istifadə etmək imkanları da bu məsələlərin vacib hissəsidir. «Buna görə biz Azərbaycan Milli Teleradio Şurasının mövqeyindən təəssüfləndiyimizi bildirir və bu məsələni Azərbaycan hökuməti ilə görüşlərdə müzakirə edəcəyik» – deyə Norveç Krallığının Xarici İşlər Nazirliyi bəyan edib.