Günün SMS-i
«Can Bakı»

«Bir məhbus cinayət etdikdə, azadlıqdan məhrum edilir. Bəs biz görən, nə cinayət etmişik ki, «Azadlıq»dan məhrum olunuruq?» (Xətai)
SMS arxivi
(+994 50) 744 10 17
 
 
 
Sorğu
... ... ...
 
 

Siyasət

Avropa Birliyinin xarici radiolarla bağlı narahatlığı

Riina Kionka

07.11.2008

Avropa Birliyinin təmsilçisi Azərbaycan hökumətinin xarici radiolarla bağlı planından narahatdır.

Birliyin xarici siyasət və təhlükəsizlik üzrə ali komissarının insan haqları təmsilçisi Riina Kionka bəyanat yayıb:

«Mən Azərbaycan hökumətinin «Azadlıq», «Amerikanın səsi» və BBC kimi beynəlxalq radioların yerli yayımını bu ilin sonuna kimi dayandıracağı barədə məlumatlardan çox narahat oldum. Müstəqil və dinamik yayımı ilə «Azadlıq», «Amerikanın səsi» və BBC radioları Azərbaycanın inkişafında mühüm rol oynayır. Avropa Birliyinin mahiyyəti açıq və məlumatlı cəmiyyətlərin formalaşmasına yardımdır».

R. Kionka bu istiqamətdə inkişafın Azərbaycanın özünün marağında olduğuna inandığını bildirib.

«1980-90-cı illərdə «Azadlıq» radiosunda işlədiyimdən Azərbaycanda mətbuatın azadlığı məsələsinə xüsusi diqqət yetirirəm», - deyən Riina Kionka bu məsələni 2007-ci ilin iyulunda Bakıda səfərdə olarkən xüsusi qabartdığını xatırladıb. O deyib ki, vəziyyəti bundan sonra da diqqətlə izləyəcək.

Riina Kionka AB Xarici Siyasət İdarəsinin rəhbəri Havyer Solananın insan hüquqları məsələləri üzrə xüsusi təmsilçisidir.

ABŞ Dövlət Departamenti də Azərbaycan Milli Televiziya və Radio Şurasının xarici radiolarla bağlı planından narahatdır.

Milli Televiziya və Radio Şurası bəyan edib ki, gələn ildən ölkədə fəaliyyət göstərən xarici radiostansiyaların sərbəst tezlikdə yayımı dayandırılacaq.