Günün SMS-i
«Can Bakı»

«Bir məhbus cinayət etdikdə, azadlıqdan məhrum edilir. Bəs biz görən, nə cinayət etmişik ki, «Azadlıq»dan məhrum olunuruq?» (Xətai)
SMS arxivi
(+994 50) 744 10 17
 
 
 
Sorğu
... ... ...
 
 

Rubrikalar / Təbriz Ekspress

4 nəfərin azadlığı üçün 1 milyon dollar girov tələb edilir

Jurnalist Əlirza Sərrafi, müəllim Mehdi Nəimi, şair Səid Muğanlı, yazıçı Həsən Raşidi

04.11.2008

Sentyabrın 10-da Tehranda iftar süfrəsinə toplaşarkən həbs edilən və hazırda Evin həbsxanasında saxlanan İran azərbaycanlıları aclıq aksiyasını davam etdirirlər. Oktyabrın 25-dən başlanan aksiya ilə onlar əsassız həbs edildiklərinə, təkadamlıq kamerada saxlandıqlarına və ailə üzvlərinə olan təhdidlərə etiraz edirlər. İranda Azərbaycanlı Siyasi Məhbusları Müdafiə Assosiasiyasının sözçüsü Vahid Qarabağlı:

«Əlirza Sərrafi ona görə aclığa başladı ki, onu həyat yoldaşının və başqa ailə üzvlərinin həbsi ilə təhdid ediblər. Son xəbərlər budur ki, Evin həbsxanasında olanların hər birinin 250 min dollar girov qarşılığında azad edilməsi ilə bağlı razılaşma əldə edilib».

Məhbuslardan biri - Həsən Raşidinin qızı Sanay Raşidinin «Azadlıq» radiosuna dediyinə görə, noyabrın 4-də hökumət Evin həbsxanasında saxlanan 4 nəfərin - jurnalist Əlirza Sərrafinin, müəllim Mehdi Nəiminin, şair Səid Muğanlının, yazıçı Həsən Raşidinin azadlığa buraxılması üçün toplam 1 milyon dollar girov tələb edib.

S.Raşidi deyir ki, indi tutulan şəxslərin yaxınlarından pul toplanır:

«İran dövləti onları girov qarşılığında buraxacağını bildirib. Ancaq hələ istənilən 250 min dolları toplamaq mümkün olmayıb. Qohumlardan, dostlardan pul yığılır».

Vahid Qarabağlının sözlərinə görəsə, tutulanlara qarşı heç bir konkret ittiham irəli sürülməyib. İftar mərasimində saxlanan 17 nəfərdən azadlığa buraxılanlar ETTELAAT-da xarici ölkələrlə işbirliyi qurmaları ilə bağlı dəfələrlə sorğulandıqlarını bildirirlər. V.Qarabağlı deyir ki, ötən il İranda həbs edilən azərbaycanlı fəallar məhz xarici dövlətlərlə işbirliyi ittihamları ilə həbsxanada cəza çəkməkdədirlər.
 
 
Şərhin var?
Ad *
Məkan
E-mail
Şərh *
Yazmazdan əvvəl FORUMUN QAYDALARINI oxu

İsmarışlar 1-2 (2)
Kimdən: Telman Haradan: İstanbul
08.11.2008 15:00

İran rejimi Oz Basqilarini En Çox azlıqlarda göstərməkdədir, çünki onların sıxıntılarinın səsləri ölkədə və xaricdə çox aşağı səviyyədə mediaya çixir. Rejim xüsusilə Azərbaycanlı Türklərin Oyanişindan Qorxur. Çunku Onlar,ölkənin əhalisinin yarısını təşkil edirler, Onlarin Herekati İran Rejimini dəyişməkdə nüfuzludur. Azərbaycanın Ayağa qalxmağı bütün azlıqların qalxmağı və sonda bütün İranın qalxmağı Demekdir.

Kimdən: Mübariz Haradan: Bonn
04.11.2008 23:01

Iranin Qarabag mäsäläsindä Ermänistanin yanida oldugunu vä vätänmizin torpaqlarinin geri qayitmamasi üchün ermänistanla tam ish birliyi eylädiyini tarix kitablarmizda yazib orta mäktäb ushaqlarina öyrätmäliyik. Bu Irana än böyük zärbä olacaq. Nä Azärbaycan xalqi nädä tarix Iran'i äsla bagishdamayacaq.

İsmarışlar 1-2 (2)