Günün SMS-i
«Can Bakı»

«Bir məhbus cinayət etdikdə, azadlıqdan məhrum edilir. Bəs biz görən, nə cinayət etmişik ki, «Azadlıq»dan məhrum olunuruq?» (Xətai)
SMS arxivi
(+994 50) 744 10 17
 
 
 
Sorğu
... ... ...
 
 

İqtisadiyyat

Neft ucuzlaşır, büdcədə isə suallar çoxalır…

İqtisadi İnkişaf Nazirliyi 2009-cu ildə neftin qiymətinin 1 barel üçün ən pis halda 80 dollar olacağını proqnozlaşdırmışdı

24.10.2008

Dünyada neftin qiymətinin sürətlə aşağı düşməsi 2009-cu il üçün Azərbaycanın dövlət büdcəsinə dair suallar yaradıb. Bəzi ekspertlər deyir ki, bu hesabla Azərbaycan büdcəsinin gələn ili borcla başa vuracağı labüddür.

Milli Məclisin İqtisadi Siyasət daimi komissiyasının üzvü Əli Məsimli deyir ki, əslində hazırda deputatlara təqdim olunan layihədə gələn il üçün neftin qiyməti 80 dollar götürülüb. Dünya bazarlarında isə Azərbaycanın əsas gəlir mənbəyi olan neftin qiyməti 1 barel üçün 60 dollar ətrafında cərəyan edir. Əli Məsimli deyir ki, bu hesablama risklidir. Ancaq bununla belə büdcədə qiyməti 70 dolları saxlamaq da mümkündür:

«Əgər neftin qiyməti büdcədə 80 yox, 70 dollar götürüblərsə, ona dəyilmədən riskli varianta gedilir. Bir şərtlə ki, təhlükəsizlik yastığı yaradılır. Bundan ötrü Azərbaycanın 17 milyard dollar valyutası var».

Əli Məsimli deyir ki, aşağı rəqəmin tərəfdarı olmayanlar hesab edirlər ki, gələn il 1 barelin qiyməti 70 – 90 dollar arasında artıb azalacaq.

OPEK də buna çalışır. Çünki bu cür artıb-azalma ədalətli çərçivə daxilində dəyişiklik hesab edilir. Digər tərəfdən büdcədə bu rəqəmin dəyişdirilməsi kifayət qədər texniki dəyişikliklər də tələb edir.

Əsas neft ixrac edən ölkələr birliyi OPEK-in neftin qiymətini normalda saxlaması barədə çalışmaları indi bütün dünyanın diqqətindədir. Amma ekspertlər nəticə barədə hələ ki konkret bir şey söyləməyə çətinlik çəkirlər.

«Turan enerji» jurnalının baş redaktoru İlham Şaban isə hesab edir ki, Azərbaycanın İqtisadi İnkişaf Nazirliyi gerçəkliyi düzgün qiymətləndirmir. Onun fikrincə, reallıqdan uzaq proqnozlar ölkə iqtisadiyyatı üçün təhlükəlidir.

İqtisadi İnkişaf Nazirliyi 2009-cu ildə neftin qiymətinin 1 barel üçün ən yaxşı halda 125, orta halda 100, ən pis halda isə 80 dollar olacağını proqnozlaşdırmışdı.

Ancaq dünyanın aparıcı institutları hesab edirlər ki, hələlik bu böhran dünya bazarında ən aşağı nöqtəyə çatmayıb. İlham Şaban isə deyir ki, hətta düzgün proqnozlar verilsə belə, hər manatın necə xərcləndiyinə nəzarət güclənməyincə neft gəlirlərinin əhalinin rifahına işləyəcəyini gözləmək yersizdir.
 
 
Şərhin var?
Ad *
Məkan
E-mail
Şərh *
Yazmazdan əvvəl FORUMUN QAYDALARINI oxu

İsmarışlar 1-3 (3)
Kimdən: Natiq M Haradan: Sumqayıt
27.10.2008 15:59

Büdcə qalxdı bizə nə, düşdü bizə nə? İnflasiya əhalinin pul gəlirlərini kölgədə qoyur.

Kimdən: Mübariz Haradan: Bakı
27.10.2008 14:40

Azərbaycan hökuməti ücün neftin ucuzlaşması ciddi bir siqnaldır.
Ölkə iqtisadiyyatının tam bir sahədən asılılığı olduqca təhlükəlidir.Büdcə gəlirlərinin dolayı gəlirlrlə birlikdə bir sahədən asılı olması ölkəmizdə iqtisadi böhranını dərinləşməsinə səbəb olacaq.Hazir ki dövürdə neft gəlirlərinin tam sosial və infrastruktur lahiyələrə yönəldilməsi efektiv deyildir.Artıq iqtisadi böhran acıq şəkildə özünü biruzə verir bütün sahələrdə durğunluq hiss olunur.

Kimdən: Mübariz Haradan: Bonn
24.10.2008 23:38

Äslindä neft ucuzdashir deyäräk iqtidara boshduq buraxmaq dogru bir shey deyil.
iqtidarda xalqa xidmät etmämäk üchün nef ucuzdashir biz chox pul qazana bilmirik deylä älinä äsas kechirtmäsi dogru bir shey deyil.
Iqtisadiyyattan biraz anlayan chox yaxshi bilir ki neft ucuzdashib elämir. Neft bu gün 150 dollarin üzärinä qalxmaqdadir.
Dünyadaki maliyyä böhraniynan qiyasliyanda neftin ucuzdashmadigi görülür. Bunun tärsini iddiya edän varsa chixsin subut etsin.

İsmarışlar 1-3 (3)