Günün SMS-i
«Can Bakı»

«Bir məhbus cinayət etdikdə, azadlıqdan məhrum edilir. Bəs biz görən, nə cinayət etmişik ki, «Azadlıq»dan məhrum olunuruq?» (Xətai)
SMS arxivi
(+994 50) 744 10 17
 
 
 
Sorğu
... ... ...
 
 

Verilişlər / Can Bakı

«Sıx tikinti Abşeronda böyük fəlakətlərə gətirib çıxara bilər»

Respublika Seysmoloji Xidmət rəhbərinin direktoru Qurban Yetirmişli və professor Fəxrəddin Qədirov

09.10.2008

«Abşeron yarımadasında sıx tikinti işlərinin aparılması ürəkaçan deyil. Çünki bu yarımadada boşluqlar var, qaz və neft çıxır, texnogen amillər burada təbii fəlakətlərin baş verməsi ehtimalını bir qədər də artırır». Bunu «Azadlıq» Radiosunun «Can Bakı» proqramının qonağı olan Respublika Seysmoloji Xidmət rəhbərinin direktoru Qurban Yetirmişli deyir. Onun sözlərinə görə, Abşeronda indi insanlar palçıq vulkanlarının nəinki yaxınlığında, hətta vulkanın üzərində ev tikirlər:

«Bu məsələyə diqqət yetirmək lazımdır. Yarımadanı bu cür sıx binalarla yükləmək olmaz. Abşeronu həm şimaldan, həm də şərqdən zəlzələ ocaqları əhatə edir. Bu ərazidə potensial gücü Rixter cədvəli üzrə 7-7,5 bal olan zəlzələlər baş verə bilər. Yarımadada belə sıx tikinti işlərinin aparılması isə Abşeronda baş verən zəlzələnin episentrini gətirib şəhərin içinə çıxara bilər. Onda dağıntılar da çox olar. Odur ki, biz xaotik, sıx, bir-birinə yaxın binaların tikilməsi ilə razılaşa bilmərik. Zəlzələ halında binaların özü bir-birinə xəsarət yetirə bilər».

Qurban Yetirmişli dedi ki, son vaxtlar Abşeronda güclü aktivləşmə müşahidə olunmadığına görə tezliklə bu ərazidə zəlzələ baş verəcəyini proqnozlaşdırmaq olmaz.

«Can Bakı»nın digər qonağı - Milli Elmlər Akademiyasının müxbir üzvü, Geologiya institutunun Geodinamika və seysmologiya şöbəsinin rəhbəri, professor Fəxrəddin Qədirov da bildirdi ki, Abşeron yarımadası çox unikal bir yerdir:

«Burda təbii fəlakətlərin çoxlu növləri ilə rastlaşmaq ehtimalı var. Elə bil, bu geoloji proseslərin hamısı burda toplaşıb. Hələlik sanki bizi Allah qoruyur».

Son 10 ildə baş verən təbii fəlakətlərin sayı iki dəfə artıb. Onların da xeyli hissəsi geoloji proseslərlə bağlıdır. Son 35 ildə dünyada fəlakətli təbiət hadisələrindən 3,8 milyon insan həlak olub 4,4 milyard nəfər isə zərər çəkib.
 
 
Şərhin var?
Ad *
Məkan
E-mail
Şərh *
Yazmazdan əvvəl FORUMUN QAYDALARINI oxu

İsmarışlar 1 (1)
Kimdən: Ilqar Haradan: Baki
09.10.2008 20:34

Zelzelenin episenterinin Bakinin merkezine gelib catmasi qoy haram pulla varlanmish zenginleri dushundursun. Onsuz da merkezde bir nefer de kasib qalmayib.ALLAH bu zelzeleden butun imanli insanlari qorusun,amin.

İsmarışlar 1 (1)
Şriftin ölçüsünü dəyiş
Yazar arxivi
Digər