Türkiyə, Azərbaycan, ABŞ, İspaniya, Macarıstan və Rumıniyanın iştirakı ilə beynəlxalq "İşıq-2015/1” hərbi xilasetmə təlimləri başlayıb.
Türkiyə Silahlı Qüvvələrinin Baş Qərargahından verilən məlumata görə, Konyada keçirilən təlimlərdə məqsəd axtarış-xilasetmə, yaxın hava dəstəyi, dinamik hədəfləmə və digər planlar çərçivəsində birgə hərəkət və təlimlərin səviyyəsini yaxşılaşdırmaqdır.
Azərbaycan təlimlərdə 4 Mİ-17 vertolyotu və xüsusi təyinatlı tağımla iştirak edir.
Martın 30-da başlayan təlimlər aprelin 10-dək davam edəcək.