-
Səudiyyə Ərəbistanının hərbi-dəniz donanması Yəmənin cənubundakı Aden şəhərindən xarici diplomatların evakuasiyasına başlayıb.
Bu haqda Səudiyyə televiziyası məlumat verib.
Martın 25-də Səudiyyə Ərəbistanı bəzi ərəb ölkələrinin dəstəyi ilə şiə üsyançıları – husilərin nəzarət etdiyi ərazilərdə yerləşən obyektlərə hava zərbələri endirməyə başlayıb.
ABŞ prezidenti Barack Obama Səudiyyə kralı Salman-la telefon söhbətində Səudiyyə Ərəbistanı və onun müttəfiqlərinin Yəməndə keçirdiyi hərbi əməliyyatlara dəstəyini bildirib.
Ötən il İranın dəstəklədiyi şiə qiyamçıları Yəmənin şimalındakı böyük əraziləri və paytaxt Sananı tutublar. Bu ilin əvvəlində onlar Yəmən prezidenti Abd Rabbuh Mansur Hadi-ni istefaya göndəriblər, o sonradan Adenə qaçıb. Husilərin hücumu ara vermədiyindən martın 26-da o, bu şəhəri də tərk etməli olub.