Əl-Cəzirə telekanalının jurnalisti Peter Greste 400 günlük məhbusluqdan sonra bazar günü Qahirə həbsxanasından azad edilib və Misirdən deportasiya olunub.
Ona qarşı terrorçu qruplaşmaya kömək etmək ittihamı irəli sürülmüşdü.
Əl-Cəzirənin onunla eyni vaxtda həbs edilmiş daha iki jurnalisti – Kanadalı Mohamed Fahmy və Misir vətəndaşı Baher Mohamed-in taleyi hələlik qeyri-müəyyən olaraq qalır.
Onların üçü də “yalan məlumatlar verməklə terrorçu qruplaşmaya yardım etmək” ittihamı ilə 10 il müddətinə azadlıqdan məhrum edilmişdi.
Təhlükəzilik rəsmilərindən biri bildirib ki, Fahmy-nin bir neçə günə Qahirənin Tora həbsxanasından azad ediləcəyi gözlənilir.
Jurnalistin nişanlısı deyib ki, o, azad olunan kimi Kanadaya deportasiya olunacaq.
Bir çox misirlilər Qətərdə mənzillənmiş Əl-Cəzirə kanalının onlarınölkəsində təxribat işi aparmasına inanırlar.
Üç jurnalisti Misirdə “Marriott qrupu” adlandırırdılar, beləki onların redaksiyası Amerika otelində yerləşirdi.
Misir hökuməti Əl-Cəzirəni Qətər tərəfindən dəstəklənən Müsəlman Qardaşlığı təşkilatının ruporu olmaqda ittiham edir.
Misir prezidentiAbdel Fattah al-Sisi Müsəlman Qardaşlığının hökumətini 2013-cü ildə devirib.