-
Yanvarın 25-də Ukraynada milli matəm günü keçirilib. Həftəsonu Mariupol şəhərinin raket atəşinə tutulması nəticəsində 30 nəfər həlak olub, 90-dan çox adam yaralanıb.
Ukrayna prezidenti Petro Poroshenko hücumu "insanlığa qarşı cinayət" adlandırıb, ancaq onu da bildirib ki, Ukrayna sentyabrda Minskdə imzalanmış sazişə tərəfdardır.
Ölkədə milli bayraqlar endirilib, bir dəqiqəlik sükut elan olunub.
Müdafiə Nazirliyi şəhəri separatçıların atəşə tutduqlarını bildirir. Yaraqlılar isə hücuma görə Ukrayna qüvvələrini ittiham edir.