Qazaxıstanda iki günlük səfərdə olan Çexiya prezidenti Milos Zeman noyabrın 24-də Astanada Qazaxıstan prezidenti Nursultan Nazarbayevlə görüşüb. Prezidentlər ticarət, kənd təsərrüfatı, eləcə də mədəniyyət sahəsində ikitərəfli əlaqələri müzakirə ediblər.
Prezidentlərin danışığından sonra keçirilən Qazax-Çex Biznes Forumunda qiyməti 450 milyon dollar olan 13-dən çox müqavilənin imzalanacağı gözlənilir.
Nazarbayev bildirib ki, indinin özündə Qazaxıstanda 70-dən çox birgə Qazax-Çex müəssisəsi var. O cümlədən, Çexiyanın Skoda maşınlarının Qazaxıstanda yığılması təşkil olunub.