Səudiyyə Ərəbistanı ölkənin daxilində və xaricdə terror törətmək istəyində şübhəli bilinən 88 şəxsi həbs edib.
Daxili işlər nazirliyinin sözçüsü Mansur al-Turki sentyabrın 2-də bildirib ki, bu adamlardan 59-u əvvəllər oxşar ittihamlarla həbsdə yatanlardır.
Onun sözlərtinə görə polis bu tutulanları aylarla izləyib və onların planlarını öyrənib.
Tutulanlardan 3 nəfəri Yəməndəndir. 1 nəfərin kimliyi öyrənilir. Yerdə qalanlar Səudiyyə Ərəbistanındandırlar.
Səudiyyə Ərəbistanı polisi sentyabrın 2-də onu da bildirib ki, 3 suriyalı və 1 iranlı narkotik qaçaqmalçılığına görə ölümə məhkum olunub və onların qılıncla boynu vurulub.