ATƏT-in media azadlığı üzrə xüsusi nümayəndəsi Dunja Mijatovic Naxçıvanda jurnalist və insan haqları müdafiəçisi İlqar Nəsibovun vəhşicəsinə döyülməsini
“cinayət hərəkəti” adlandırıb.
O bildirib ki, “bu cinayət hərəkətinin ifadə azadlığına və media azadlığına dəhşətli təsiri var”.
Mijatovic Azərbaycan hökumətini İlqar Nəsibovu döyənləri məsuliyyətə cəlb etməyə çağırır.
İlqar Nəsibov avqustun 21-də Naxçıvanda Resurs Mərkəzinin ofisində hücuma məruz qalıb.
Onu sonradan huşsuz halda tapıblar. Onun başında zədələr var, burnu sındırılıb, qabırğaları əzilib, çoxlu qan itirib.