Osama Bin Laden-in keçmiş köməkçisi 1998-ci ildə şərqi Afrikada əl-Qaeda tərəfindən ABŞ səfirliklərinin partladılmasında təqsirli bilinib.
Həmin basqınlar nəticəsində 224 nəfər həlak olmuşdu.
Səudiyyə Ərəbistanı vətəndaşı Khalid al-Fawwaz Nyu York məhkəməsində davam edən üç günlük dinləmələrin ardınca məhkum edilib.
2012-ci ildə ABŞ-a Britaniyadan ekstradisiya edilmiş Al-Fawwaz-ı indi ömürlük həbs cəzası gözləyir.
52 yaşlı al-Fawwaz Osama Bin Laden-nin “Londondakı sözçüsü” kimi tanınırdı.
1998-ci ildə ABŞ-ın Keniyanın Nayrobi və Tanzaniyanın Dar əs-Səlam şəhərlərindəki səfirliklərinə bomba basqınları zamanı həlak olanların arasında onlarca Amerika vətəndaşı da həyatını itirib.
Fawwaz elə həmin il Londonda həbs edilmiş, lakin onun ABŞ-a ekstradisiyası 14 il davam etmişdi.
Manhattanda keçirilən məhkəmədə müttəhimin heç bir ifadəsi oxunmayıb.
O hökmü sakit qarşılayıb.