"Azərbaycanda heç kəs siyasi mövqeyinə görə nə təzyiqlərə məruz qalıb, nə də həbs edilib”.
Bunu Washington-da Atlantika Şurasının keçirdiyi “Avropanın şərqi üçün Transatlantik strategiya” mövzulu konfransda Azərbaycan parlamentinin deputatı Səməd Seyidov deyib.
Parlamentdə beynəlxalq əlaqələr komitəsinin sədri olan S..Seyidov bildirib ki, Azərbaycanın Avropa ilə inteqrasiyasına, ABŞ-la yaxın münasibətlərinə mane olmaq üçün onun haqqında insan haqlarını pozan ölkə təsəvvürü yaratmağa cəhdlər edilir.
S.Seyidov onu da qeyd edib ki, Avropa Birliyinin Şərq Tərəfdaşlıq Proqramı ilə bağlı bir çox problemlər geosiyasətdən doğur: “Çünki bəzi dairələrdə kimsə insan haqları məsələsini geosiyasi alət kimi istifadə etməyə çalışır”.