-
Azərbaycanda benzinin qiyməti ucuzlaşıb.
«Azpetrol» şirkətinin mətbuat xidmətindən ANS-ə verilən məlumata görə, ucuzlaşma «Premium Avro-95» markalı benzində qeydə alınıb.
Dünya bazarında neftin qiymətinin aşağı düşməsi ilə əlaqədar olaraq «Azpetrol» benzinin satış qiymətinə yenidən baxıb. Həmin markalı benzinin əvvəllər 1 litri 97 qəpiyə satılırdısa, artıq oktyabrın 1-dən «Premium» benzinin qiyməti 2 qəpik aşağı salınaraq, 95 qəpiyə satılır.
Adıçəkilən benzinin qiymətində son artım avqustda qeydə alınmışdı. Avqustun 6-sı gecəyarıdan etibarən «Premium Avro-95» benzininin qiyməti 4 qəpik artaraq 97 qəpik olub.