İran prezidenti Hassan Rouhani ölkə ruhanilərinə müraciət edib ki, internetə və yeni texnologiyalara tolerant olsunlar. Dövlət televiziyası ilə sentyabrın 1-də yayılan mürciətində prezident deyib ki, gənclərin dünyaya çıxışlarını bağlamaq olmaz.
Rouhani media və internet azadlıqlarının genişlənməsinin tərəfdarıdır. Ancaq yüksək rütbəli ruhanilər bildirirlər ki, sosial şəbəkələr və smartfonlar mənəviyyatsız şəkillərin yayılmasına imkan verir. 2009-cu il müxalifət nümayişlərindən sonra İranda Facebook, Twitter, Youtube bağlanıb.
Ancaq son həftələr hökumət daha çox operatora 3G xidməti göstərməyə icazə verib.