«Neftçi» futbol klubunun ukraynalı baş məşqçisi Anatoli Demyanenko istefa verib. Bu haqda Ukrayna və Rusiyanın idman nəşrləri məlumat yayıb.
Demyanenko «Neftçi»ni yeddi aydan çox idi ki, çalışdırırdı. Bu müddət ərzində Bakı klubu ölkə çempionatının bürünc medalını qazanıb və UEFA İntertoto kubokunda iki mərhələ adlayıb.
Ölkə çempionatının son turunda «Neftçi» səfərdə «Qəbələ»yə qalib gəlsə də, əvvəlki iki oyunda müvafiq olaraq «Standart» və «Bakı»ya məğlub olmuşdu.