-
ABŞ ordusu bildirir ki, Bağdad yaxınlığında İslam Dövləti (İD) qruplaşmasının hədəflərini bombalayıb. İlk dəfədir ABŞ ordusu İraq paytaxtı yaxınlığında yaraqlıları hədəfə alır.
ABŞ Mərkəzi Komandanlığının məlumatına görə, sentyabrın 14-15-də iki hava zərbəsi endirilib. Məqsəd İraq qüvvələrini dəstəkləmək olub.
Bu hücumlar Prezident Barack Obama-nın İD-ə qarşı başlatdığı daha geniş missiyanın göstəricisidir.
Zərbələr nəticəsində altı İD maşını və döyüş mövqelərindən biri dağıdılıb.
30 ölkə rəsmisi isə Parisdə Bağdadı İD-lə mübarizədə «müvafiq hərbi yardımla» təmin etməyə razılaşıb.
İD hazırda İraq və Suriyada böyük ərazilər tutub. CİA-nın hesablamasına görə, qruplaşmanın 31.500 yaraqlısı var.