şənbə, Dekabr 20, 2014 Bakı vaxtı 12:34

Növbəti veriliş

19:00 - 20:00 Cümə axşamı 25 Dek

Ədəbiyyat verilişi.

Podkast


14:00 - 15:00 Dekabr 18, 2014

Pen klub - «21 Azər» hərəkatı azərbaycanlıların, yoxsa sovet hökumətinin uğuru idi?

Dekabrın 12-də İran azərbaycanlılarının müstəqillik elan etdiyi tarixdən – «21 Azər»dən 69 il ötdü. Ortada onillərdir davam edən bir sual var: 1945-ci ildə İranda Azərbaycan Milli Hökumətinin qurulması ilə nəticələnmiş bu hərəkata necə yanaşmalıyıq? Milli hökumət, bəzi tarixçilərin dediyi kimi, imperiyanı genişlətmək, sovetlərin Hind Okeanına bir çıxış planı idi, yoxsa azərbaycanlıların uzunmüddətli müstəqillik mübarizəsinin nəticəsi?


14:00 - 15:00 Dekabr 11, 2014

Pen klub - Çəmənzəminli Azərbaycan cümhuriyyətinə xilaf çıxan sovet yazarıdır, yoxsa kim?

Yazıçı Yusif Vəzir Çəmənzəminlinin ictimai siması Azərbaycan oxucusuna xeyli müəmmalı qalıb. O, bir tərəfdən Azərbaycan Cümhuriyyətinin alovlu təəssübkeşlərindən və dövlət adamlarından sayılıb... Sonra mühacir həyatı yaşayıb... Sonra da Sovet Azərbaycanına pənah apararaq məşhur «Müsavatçıya məktub»unu yazıb... Təbii sual doğur: Fərqli dönəmlərdə fərqli həyat yaşayan Çəmənzəminli əslində kimdir?


14:00 - 15:00 Dekabr 04, 2014

Pen klub - Azərbaycanda istedada meydan varmı?

İndi Türkiyədə adı dillərdə gəzən azərbaycanlı müğənni Elnurun öz ölkəsində uğur qazanmaması sual doğurur: Görəsən, sənət adamlarının Azərbaycanda diqqət çəkməsi və özünü təsdiq etməsi niyə bu qədər çətin başa gəlir? Ölkəni sənət adamları üçün, cənnət də olmasa, sərbəst özünütəsdiq məkanına çevirməyə nələr mane olur? Yazıçı Qan Turalı, müğənni və şair Zəka Vilayətoğlu və ölkədən kənarda yaşayan rokçu Camal Əli «Pen Klub»da həmin suallara cavab axtarırlar.


14:00 - 15:00 Noyabr 27, 2014

Pen klub - Türkiyədə Azərbaycan yazıçılarının kitablarına maraq var?

Yerli mediadan tez-tez xəbər tuturuq ki, Türkiyədə Azərbaycan yazarlarının kitabları çap olunub. Bəs Türkiyə mediasında bu məlumatlar niyə əksini tapmır? Bəlkə türkiyəli oxucular Azərbaycan yazıçılarını tanımırlar? Bəlkə nəşr olunduğu açıqlanan kitablar geniş oxucu auditoriyasına deyil, dost-tanışa paylanır? Türkiyədə kitabı çıxan yazar və naşir Rasim Qaraca, İstanbuldakı «Kırmızı kedi» nəşriyyatının rəhbəri Halil Hepkon və başqaları «Pen klub» proqramında həmin sualları cavablayırlar.


14:00 - 15:00 Noyabr 20, 2014

Pen klub - Babək qəhrəmandırmı?

Babək sovet dövründə Azərbaycan xalqının qəhrəmanı kimi təbliğ olunmağa başlandı. Onun haqqında romanlar yazıldı, film çəkildi, adı uşaqlara qoyuldu. Kimdir Babək? İslam ordusuna qarşı döyüşdüyü üçün ateist sovet dövlətinin məqsədli şəkildə qabartdığı tarixi şəxsiyyət, yoxsa uzun əsrlər mollaların yalnız kafir kimi xatırlanmasına imkan verdiyi əsl milli qəhrəman?


14:00 - 15:00 Noyabr 13, 2014

Pen klub - Əsrimizin Sabiri kimdir?

Müasir Azərbaycanda satirik şairlər barmaqla sayılacaq qədər azdır. Halbuki, satirik şeir hələ qadağan olunmayıb. Bəs daim cəmiyyətin və iqtidarın əyriliklərini görüb yazan satirik şairlərimiz indi haradadır? Satirik ədəbiyyat ölüb, yoxsa mətbuatımız satirik yazarları sevmir?


14:00 - 15:00 Noyabr 06, 2014

Pen klub - Kim daha qədimdir: azərbaycanlılar, yoxsa ermənilər?

Dağlıq Qarabağ münaqişəsi azərbaycanlılarla ermənilər arasında bir mübahisəni də tez-tez sosial şəbəkələrin gündəminə gətirir: hansı xalq daha qədimdir: azərbaycanlılar, yoxsa ermənilər? İstər-istəməz, sual doğur: xalqın qədimliyi ona nə qazandırır. Bu zaman hansı komplekslər üzə çıxır?


14:00 - 15:00 Oktyabr 30, 2014

Pen klub - Ramiz Mehdiyevin ürəyini ağrıdan cəhalətdən bir sual doğur: Kimdir günahkar?

«Bəzən böyük ağrı və mənəvi iztirabla özüm-özümə sual verirəm: yəni, bu xalqın Sabiri, Mirzə Cəlili, Cəfər Cabbarlısı olmayıb? Yəni, «Molla Nəsrəddin» jurnalı bu məmləkətdə çap olunmayıb? Doğrudanmı Üzeyir bəyin vaxtilə gülüş hədəfinə çevirdiyi hallar cəmiyyətimizə yenidən qayıdır?». Prezident Administrasiyasının rəhbəri Ramiz Mehdiyev bu günlərdə ölkədə savadsızlığın, cəhalətin artması ilə bağlı narahatlığını bildirib. Bu vəziyyət necə yaranıb?


14:00 - 15:00 Oktyabr 23, 2014

Pen klub - TV-lərdən hansı dili eşidək: xalq dilini, yoxsa kütlənin dilini?

Bu yaxınlarda tədqiqatçı-yazar Şirvani Ədillinin Azadlıq Radiosunun internet səhifəsində yazısı verilmişdi. O öz yazısında televiziya efirində danışılan Azərbaycan dilinə toxunub. AMEA-nın Dilçilik İnstitutu da, zaman-zaman, ölkə TV-lərində səslənən dilin monitorinqini aparır və nəticələri açıqlayır. Amma efir dili barədə tənqidi fikirlər bitmir ki bitmir. Bəs TV efirində necə danışmaq lazımdır ki, qınaq hədəfinə çevrilməyəsən? Necə danışmaq daha təbii və qəbulediləndir: xalq dilində, yoxsa kütlənin dilində? Efir dilini, əslində, necə nizamlamaq lazımdır?


14:00 - 15:00 Oktyabr 16, 2014

Pen klub - Azəri, yoxsa Fazəri dili?

Bu yaxınlarda Azərbaycanda səfərdə olan İran Radio-Televiziya Təşkilatının sədri İranda Azərbaycan dilində 24 saat yayımlanacaq telekanal açılacağını bildirib. Bu televiziyanın İran azərbaycanlılara nə faydası olacaq? Yeni kanal iki qonşu xalqın mədəni dialoquna yol açacaqmı? İran azərbaycanlılarının dili Azərbaycan dilinin normalarına nə dərəcədə uyğundur? «Pen klub»dakı debatda bu suallara İrandan və Azərbaycandan cavablar səslənir.


14:00 - 15:00 Oktyabr 02, 2014

Pen klub - Dövlət rus dilinə pilot dil kimi dəstək versin, ya yox?

Dövlət rus dilinə başqadilli bilgilərə körpü və pilot dil kimi dəstək verməlidir? Yoxsa bilik alış-verişi hər kəsin öz öhdəsinə buraxılmalıdır? Azadlıq Radiosunun «Pen klub» proqramında dövlətin dil siyasəti ilə bağlı ötən müzakirə sosial şəbəkələrdə polemikaya yol açıb. Mövzunu davam etdiririk.


14:00 - 15:00 Sentyabr 25, 2014

Pen klub - Niyə xarici romanlar çox oxunur, Azərbaycan romanları az?

Niyə 10 milyonluq ölkədə Azərbaycan yazıçılarının romanları 500-1000 tirajla satılır? Bəlkə problem seçilən mövzulardadır? Bəlkə müəlliflər uzunçuluğa yol verirlər? AzadlıqRadiosunun «Pen klub» proqramındakı debata irihəcmli romanlar yazsa da, oxucularını itirmədiyini söyləyən Nəriman Əbdülrəhmanlı və Vüsal Nuru ilə yanaşı, qısa roman tərəfdarı olan yazıçı Qan Turalı və tənqidçi İradə Musayeva qatılıblar.


14:00 - 15:00 Sentyabr 18, 2014

Pen klub - Rus bölməsi yaxşıdır, yoxsa Azərbaycan?

Hansı daha səviyyəlidir və daha üstün təhsil verir? Politoloq Hikmət Hacızadə, kinoşünas Əlisa Cabbarlı rus məktəblərinin qalmasının, yazıçı Azad Qaradərəli isə yerli-dibli bağlanmasının tərəfdarıdır. Hüquqşünas Erkin Qədirli özü rusca təhsil alsa da, Azərbaycanda bu dildə təhsilin əleyhdarıdır.


14:00 - 15:00 Sentyabr 11, 2014

Pen klub - Toy və yas mərasimlərini vətəndaşların özü, yoxsa hökumət tənzimləsin?

Bir müddət öncə Dini Qurumlarla İş üzrə Dövlət Komitəsi ölkədə yas mərasimlərinin təmtəraqdan uzaqlığına, israfçılığın qarşısının alınmasına dair tövsiyələrini açıqladı. Bundan sonra istər paytaxt Bakıda, istərsə əyalətlərdə yerli icra orqanı və bələdiyyələrin yas mərasimlərinə müdaxilə xəbərləri gəlməyə başladı. Ardınca Milli Məclisin üzvü Səyavuş Novruzov toyların da sadələşdirilməsi təşəbbüsüylə çıxış etdi. Beləcə, cəmiyyətdə toy və yas mərasimlərinin tənzimlənmə məsələsi gündəmə gəldi. Ortaya aktual bir sual da çıxdı: Toy və yas mərasimlərini vətəndaşların özü, yoxsa hökumət tənzimləsin? Və ya bu tənzimləmədə necə ortaq məxrəcə gəlinsin?


14:00 - 15:00 Sentyabr 04, 2014

Pen klub -- Tələbələrin kitab dərdi...

Tələbələr onlara lazım olan kitabları tapa bilirlərmi?


19:00 - 20:00 Avqust 28, 2014

Pen klub - Kitab qrupları... Süni say artımı, yoxsa papaq altda oxucular var?

Deyirlər Azərbaycanda kitab satılmır, kitab oxunmur. Bahadır, kitab mağazası azdır. Bəs sosial şəbəkələrdə kitab, ədəbiyyat qrupları niyə belə çoxdur? Onların minlərlə, bəzən on minlərlə üzvü kimlərdir, nə oxuyurlar? Bu, süni say artımıdır, yoxsa papaq altda oxucular var?


18:51 - 18:54 Avqust 26, 2014

Yaradıcı qurumlar və şəxslər haqqında ayrıca qanun olacaq

Nizami Cəfərov: «Öz mədəniyyətini qorumaq istəyən ölkələr öz yaradıcı birliklərini, yaradıcı şəxslərini də qorumalıdır».


19:24 - 19:48 Avqust 21, 2014

Vaqif Nəsiblə söhbət (2)

Yazıçı Vaqif Nəsiblə söhbət (2)


19:23 - 19:48 Avqust 21, 2014

Vaqif Nəsiblə söhbət (1)

Yazıçı Vaqif Nəsiblə söhbət (1)


19:00 - 20:00 Avqust 21, 2014

Pen klub - «Bu gün poeziyanın ən çox süquta uğradığı yer Qazaxdır»

Şair Vaqif Nəsib: «Vaqif Səmədoğludan umu-küsüm o oldu ki, bir dəfə maraqlanmadı ki, atası harada yaşayıb, ora bir xatirə lövhəsi vurdursun. Mən ona Qazaxın ögey elçisi deyirəm...».

Radionu dinlə

CədvəlPodkast

Pen klub

Əjdər Tağızadə (ön planda) və Tariyel Faziloğlu

Dinlə Güntay Gəncalp: "Pişəvəri saxta qəhrəmandır" [Debatda ona etirazlar]

Əjdər Tağızadə: "Mən bilmirəm biz hansı xəstəliyə tutulmuşuq. Bu millətin böyüklərini qırıb, gözdən salıb qaralayırıq, Güney Azərbaycanda baş verən xalq hərəkatını şübhə altına alırıq..." davamı

Ən çox oxunan