Keçid linkləri

2024, 29 Mart, Cümə, Bakı vaxtı 06:26

Zazalılar qazın gəlməsini evdə gözləmədilər


Sakinlər yolu bağlayıb
Sakinlər yolu bağlayıb

Bu gün, oktyabrın 19-u Goranboy rayonunun Zazalı kənd sakinlərinin mavi yanacağın verilməməsinə etiraz olaraq Bakı-Gəncə yolunu bağladıqları bildirilir.

Bu barədə Meydan TV-yə kənd sakinləri məlumat verib. Onların sözlərinə görə, bir neçə gündür kəndə qaz gəlmir:

“Bəlkə aidiyyatı qurumlar səsimizi eşidib problemi həll edərlər. Burda erməni kilsəsi olsaydı, qaz verilərdi” – deyə aksiya iştirakçıları bildirib.

Buna da bax:​ Xocasənlilər: 'Qaz verilməsə, aksiyalar davam edəcək...'

“Azəriqaz” İstehsalat Birliyinin İctimaiyyətlə əlaqələr şöbəsinin rəisi İbrahim Kərbəlayev yolun bağlanmasından və kəndə qazın verilib-verilməməsindən xəbərsiz olduğunu deyib:

“Məsələni gün ərzində araşdırıb, problem varsa, həll etməyə çalışacağıq”.

Son günlər Bakıda və bölgələrdə qazın verilməsində problemlərin olduğuna gəlincə, İbrahim Kərbəlayev bunu havaların kəskin soyuması ilə izah edib: “Ancaq həmin problemlər həllini tapıb. Hansı bölgələrdə də problem qalıbsa, yaxın günlərdə həll olunacaq. İşlər gedir”.

Buna da bax:​ Rövnəq Abdullayevin qaz açıqlaması dillər əzbəri olur

Ötən il SOCAR prezidenti R. Abdullayev demişdi ki, prezident İlham Əliyevin tapşırığı ilə Gürcüstandakı bütün dini ocaqları Azərbaycan pulsuz qazla təmin edir. Onların arasında erməni kilsəsi də var. Həmin açıqlamanı Azərbaycan ictimaiyyəti birmənalı qarşılamamışdı.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG