Qələbədə Azərbaycanın payı
Azərbaycanda 9 May Qələbə Günü qeyd olunur.
1941-1945-ci illərdə 600 mindən çox azərbaycanlı oğlan və qızlar cəbhəyə yollanıb. Onlardan 300 mindən çoxu döyüşlərdə həlak olub.
130-a yaxın azərbaycanlı Sovet İttifaqı Qəhrəmanı adını alıb, 30 nəfər «Şərəf» ordeni ilə təltif olunub.
İngilis qəzeti Leyla Əliyevanın London mülkindən yazır
“The Mail on Sunday” yazır ki, paytaxtın bahalı və dəbdəbəli Mayfair rayonunda, Park Lane küçəsində yerləşən bu mülkün 4 və 5-ci mərtəblərində yerləşən “çardaq mənzilin” sahibi Azərbaycan prezidenti İlham Əliyevin qızı və kübar xanım Leyla Əliyevadır.
Bakı İslam Universitetinə (BIU) qəbul qaydalarında dəyişiklik
Qafqaz Müsəlmanları İdarəsi (QMİ) sədrinin müavini, Bakı İslam Universitetinin rektoru Hacı Sabir Həsənli «Trend»ə bildirib ki, bu ildən namizədlər əvvəlcə TQDK-nın imtahanlarında iştirak edəcəklər. Qəbul üçün tələb olunan 100 balı topladıqdan sonra universitet özü qabiliyyət imtahanını keçirəcək.
Putinin Qələbə günü ilə bağlı təbrikində Ukrayna və Gürcüstan liderləri yoxdur
Rusiya prezidenti Vladimir Putin Qələbə günü münasibətilə Azərbaycan, Ermənistan, Belarus, Qazaxıstan, Qırğızıstan, Moldova, Tacikistan, Türkmənistan, Özbəkistan liderlərini təbrik edib.
Krem saytının verdiyi məlumata görə, təbrik olunan liderlər arasında Ukrayna və Gürcüsatn liderləri yoxdur.
Putinin təbrikində deyilir ki, Putin Ukrayna və Gürcüstan vətəndaşlarını Qələbə günü ilə bağlı təbrik edir.