Keçid linkləri

2016, 11 Dekabr, bazar, Bakı vaxtı 08:13

Daxili İşlər Nazirliyi ötən gecə Yasamal rayonunda qanunsuz dini yığıncaq keçirən 42 nəfərin saxlanması barədə məlumat yayıb.

Məlumata görə, onlar həmin vaxt Yavər Fərzəliyevə məxsus “Farklı Lahmacun” çay evində qanunsuz yığıncaq keçirilirmişlər.

Əməliyyatı Yasamal rayon prokurorluğu, MTN və DİN- Yasamal rayon polis bölməsinin əməkdaşları keçiriblər.

Çay evinin zirzəmisində 2-si azyaşlı olmaqla, 42 nəfər saxlanılıb.

Əməliyyat zamanı həmçinin dini nifrət və dözümsüzlüyü təbliğ edən müxtəlif məzmunlu kitablar və digər növ ədəbiyyat aşkar edilərək götürülüb.

Zaqatala rayon sakinləri Kamran Mustafayev, Adil Rəcəbov və Bakı şəhər sakini Zaur Şabanov qanunsuz yığıncağın təşkilatçıları kimi şübhəli şəxs qismində saxlanıblar.

Onların barəsində dini ayinlərin icrası adı altında vətəndaşların hüquqlarını qəsb etmə maddəsi ilə cinayət işi açılıb.

Digər iştirakçılar barədə inzibati qaydada protokol tərtib edilərək baxılmaq üçün məhkəməyə göndərilib.

Günün bütün mövzuları

Şərhləri göstər

XS
SM
MD
LG