Keçid linkləri

2016, 09 Dekabr, Cümə, Bakı vaxtı 23:47

Sumqayıt Şəhər Təcili Tibbi Yardım Xəstəxanasında baş verən ölüm hadisəsində həkim təqsirli bilinib.

APA xəbər verir ki, Səhiyyə Nazirliyində yaradılan xüsusi komissiyanın rəyində iyunun 26-daxəstəxanada vəfat edən Lumu Veyisovanın ölümünə əməliyyat xətasının səbəb olduğu qeyd edilir.

Komissiyanın rəyində deyilir ki, əməliyyat zamanı xəstənin öd kisəsi çıxarılıb, damarlar bağlanıb: «Öd kisəsinin yatağı təmizlənərkən qanaxma başlayıb. 3 gün xəstəxanada qalan xəstə iyunun 29-da bütün yardımlara və cəhdlərə baxmayaraq ölüb».

Əməliyyatı icra edən 81 yaşlı həkim Cəfər Quliyev vəzifəsindən azad olunub, xəstəxananın baş həkimi Rauf Sadıqova isə töhmət verilib.

Xəstənin yaxınları Lumu Veyisovanın ölümündə həkimi günahlandırırdılar. Onlar iddia edirlər ki, həkim yaşlı olduğu üçün əlləri əsdiyindən xəstənin damarlarını kəsib. Qanaxma bu səbəbdən yaranıb, - deyə xəstə yaxınları mətbuata bildiriblər.

Səhiyyə Nazirliyi 81 yaşlı həkimin indiyə kimi işləməsini onun elmi nailiyyətləri ilə bağlayıb. Cəfər Quliyev «Şöhrət» ordeni ilə təltif olunmuş həkimlərdəndir.

Buna da bax: «Bizdə həkim səhvlərindən nəticə çıxarılmır»

Son vaxtlar Azərbaycan səhiyyəsindən tez-tez şikayətlər eşidilir.

İyunun 24-də Səhiyyə Nazirliyi Angioloji və Mikrocərrahiyə Mərkəzində bir həkim şəkər xəstəsi olan yaşlı xəstənin iltihablı sol ayağı əvəzinə, sağlam sağ ayağını kəsmişdi. Sonradan həmin xəstənin digər ayağı da əməliyyat olundu. Cərrah isə istintaqda ifadə verdikdən sonra sərbəst buraxıldı.

Günün bütün mövzuları

Şərhləri göstər

XS
SM
MD
LG