Keçid linkləri

2016, 11 Dekabr, bazar, Bakı vaxtı 12:26

Avqustun 20-də el arasında sevgi-sayqıyla «Xan Əmi» adıyla tanınan ustad xanəndə Şuşalı Xanın - Xan Şuşinskinin 115 yaşı tamam olur.

AzadlıqRadiosunun «İz» proqramı bu yubileyi «Şuşalı Xan Əmi» dastanıyla anır.

- Gələcəkdə «Xan Əmi» çağrılacaq İsfəndiyar hansı ortam və ailədə dünyaya göz açmışdı?

- Bəlli mədəni özəllikləriylə diqqət çəkən və heç də dünyaya qapalı olmayan bir şəhərdə balaca İsfəndiyar necə yaşamışdı?

- Cavanşirlər soyadının daşıyıcısı olan İsfəndiyar xan və bəylərə, əsilzadələrə meydan oxunan bir zamanda nədən dönüb öncə Xan, sonra da «Xan Əmi» oldu?

- Xan Əmi bolşeviklərlə-kommunistlərlə necə yola getdi? Kommunist oldu-olmadı?

- O,nə vaxtdan Bakıya köçdü və adi sovet respublikasının paytaxtı xanəndəni necə qarşıladı?

- Xan Əmi xalqa yadigar qoyub getdiyi dadlı-duzlu mahnılarını necə bəstələdi?

- Ustad sənətkarın gülməcə və zaman-zaman siyasi çalarlı atmacaları nədən dillərdə gəzdi? Bu onun həyatsevərliyindən nişan verirdi, yoxsa konformizmə, yapma-yalançı müasirliyə içindəki etirazdan?

- Və nəhayət, Xan Əmini unutmamaq mədəniyyətə nə qazandırır?

Avqustun 21-də saat 23-də şuşalı Xan Əmini - ustadlar ustadı bir xanəndəni, ifaçılıq əfsanəsini bir daha yada salmaq, əcaib-qəraib, amma maraqlı yaşam tarixçəsini birgə vərəqləmək olar.

Bu «İz»i itirməyin!

Günün bütün mövzuları

XS
SM
MD
LG