Keçid linkləri

2024, 11 May, şənbə, Bakı vaxtı 05:42

Azərbaycandakı Rusiya bankı cəzalandırıla bilər


►Bank VTB «Azərbaycan»ın toplam kapitalı Mərkəzi Bankın tələbindən minimum 3 dəfə azdır

Bank VTB «Azərbaycan» ASC, axır kı, ötən ilin maliyyə hesabatını açıqlayıb. 2014-cü ili təxminən 5 milyon manat təmiz mənfəətlə başa vuran bank bir il sonra 36,5 milyon manat zərərə uğrayıb.

“Qaragün” bankın biri də artıb?

Ötən il Bank VTB «Azərbaycan» faiz gəlirlərini 6,2 milyon manat artırmağa nail olsa da, ayırdığı kreditlərdən 44 milyon manat zərərə düşüb.

Bankın xarici valyuta əməliyatlarından zərəri də 7 milyon manatı aşır. Bu azmış kimi, bankın əməliyyat xərcləri də ilboyu 5,5 milyon manat artıb.

İlin əvvəlinə bankın toplam kapitalı 12,7 milyon manata düşüb. Bu isə o deməkdir ki, Bank VTB «Azərbaycan» ASC bu göstərici üzrə Mərkəzi Bankın (MB-nin) tələbini (50 milyon manat) ödəmir.

Bu durum bankın lisenziyasının geri alınmasına yetərincə əsas yaradır. İlin əvvəlində elə bu səbəbdən lisenziyası alınan bir çox bank məhkəmə qərarı ilə müflis elan edilib.

Yanvarın əvvəlinə Bank VTB «Azərbaycan»ın kredit portfeli 95 milyon manat şişərək, 364 milyon manat olmuş, daha sonra öhdəliklər də 212,5 milyon manat artaraq 453 milyon manata çatmışdı.

____________________________________________________________

Bunlara da bax:
'İnəyi gözdən qoymağa peşmansan…'
Üçəmlərdən sağ qalan körpə Bakıya gətirilir

____________________________________________________________

Uzağı 2 ilə «cücələr» sayılacaq

Ötən il ciddi problemlərlə üzləşən bank MB-dən 2016-2018-ci illərdə geri ödənilməsi şərtiylə 30 milyon manat, ana şirkəti olan RAO «Bank VTB»-dən 15 milyon ABŞ doları kredit və 300 milyon Rusiya rublu məbləğində subordinasiya borcu cəlb edib. Üstəlik, «Paşa Bank» ASC də ona 5 aya qaytarmaq şərtiylə 5 milyon dollar kredit ayırıb.

Bank VTB «Azərbaycan» ASC səhmlərinin 51faizi Bank VTB ASC-yə (Rusiya), 48,99 faizi isə «AtaHolding» MMC-yə məxsusdur. İşadamı Əşrəf Kamil oğlu Kamilovun bankda 0,01 fazi payı var.

Satdılar, ardından fikir dəyişdilər?

Maliyyə hesabatında bildirlir ki, 2007-ci ildə «AF Bank» ASC-nin keçmiş səhmdarları öz səhmlərini Kiprdəki «Balmwell Limited» və «Nies Ventures Limited» şirkətlərinə satsa da, 2008-ci ilin iyulunda və 2009-cu ilin noyabrında səhmlər indiki sahiblərinə keçib.

Azərbaycanda Rusiya kapitalı ilə daha bir bank – «NİKoil Bank» ASC də fəaliyyət göstərir. Bu bank, hələ ki, 2015-ci ili necə başa vurduğunu açıqlamayıb.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG