Keçid linkləri

2016, 09 Dekabr, Cümə, Bakı vaxtı 21:52

Vaşinqtonda Azərbaycanda insan haqlarına dair müzakirə başlayır


Arxiv fotosu: Bakıda etiraz aksiyasında insan haqları fəalı Rəsul Cəfərov saxlanarkən. 1 sentyabr 2012

Arxiv fotosu: Bakıda etiraz aksiyasında insan haqları fəalı Rəsul Cəfərov saxlanarkən. 1 sentyabr 2012

.

Noyabrın 5-i Bakı vaxtı ilə axşam saat 11-də Vaşinqtonda Azərbaycanda qanunun aliliyi və insan haqlarının vəziyyəti ilə bağlı brifinq keçiriləcək.

“Azərbaycanda insan haqlarına hörmətin ciddi şəkildə pisləşməsinə dair” brifinqi Helsinki - Avropada Təhlükəsizlik və Əməkdaşlıq Komissiyası (Helskinki Komissiyası Federal Hökumətin müstəqil qurumudur-red.) təşkil edib.

ABŞ-ın Azərbaycandakı keçmiş səfiri Richard Morningstar

ABŞ-ın Azərbaycandakı keçmiş səfiri Richard Morningstar

Dinləmələrdə ABŞ-ın Azərbaycandakı keçmiş səfiri Richard Morningstar (hazırda Atlantik Şurada Qlobal Enerji Mərkəzinin direktoru), həbsdəki hüquq müdafiəçiləri Leyla və Arif Yunusun qızı Dinara Yunus və Avrasiya-Qeyri-Kommersiya Qanunvericiliyi Beynəlxalq Mərkəzinin vitse prezidenti Natalia

Arif və Leyla Yunusların qızı Dinara Yunus

Arif və Leyla Yunusların qızı Dinara Yunus

Bourjaily-ın ştirak edəcəyi gözlənilir.

Brifinqdən əvvəl yayılan mətbuat üçün bildirşdə deyilir:

“Son iki ildir ki, Azərbaycanda qanunun aliliyi və insan haqlarının vəziyyəti ilə bağlı ciddi pisləşmə müşahidə olunur.

Qanunvericlik sərtləşdirilir deyə, çoxlu müstəqil vətəndaş cəmiyyəti təşkilatları bağlanır, onların liderləri qorxudulur, həbs edilir.

Azad media sərt şəkildə məhdudlaşdırılıb və ya tamamilə bağlanıb”.

Məlumatda deyilir ki, Azərbaycanda müxalifət partiyaları gözümçıxdıya salınır və tez-tez seçki prosesindən kənarda qalır: “Nüfuzlu siyasətçilər uzun müddətə həbs olunur və bir çox müşahidəçilərin fikrincə, onlara qarşı ittihamlar siyasi motivlidir”.

Həmçinin qeyd edilir ki, brifinq xüsusilə Azərbaycanda qanunun aliliyi və hakimiyyətin öz təndiqçilərinin susdurmaq üçün ədliyyə sistemindən istifadə etməsini analiz edəcək.

Tədbirdə həmçinin ölkədə 1 noyabr parlament seçkiləri və onun Azərbaycanın üz tutduğu istiqamətə təsirləri müzakirə olunacaq.

Azərbaycan hakimiyyəti yuxarıda deyilən tənqidləri qəbul etmir, Qərbin, o cümlədən ABŞ-ınhakimiyyətə qarşı qərəzli olduğunu deyir.

Günün bütün mövzuları

XS
SM
MD
LG