'İlham Əliyev bütün gecəni narahat olub'

«Biz bu prosesləri narahatlıqla izlədik. Dövlət başçımız, prezident də bütün gecəni çox narahat olub. Bunu bütün Azərbaycan edib və bu da təbiidir. Bu, dövlət çevrilişinə cəhddir, Türk xalqının iradəsinə, seçiminə qarşı yönəlmiş çevriliş cəhdidir».

Bunu APA-ya açıqlamasında Azərbaycan prezidentinin köməkçisi, Prezident Administrasiyasının Beynəlxalq əlaqələr şöbəsinin müdiri Novruz Məmmədov bildirib.

N.Məmmədov deyib ki, baş verənlər Türkiyənin Ana Yasasına, demokratiyasına qarşı yönəlmiş çevriliş cəhdidir. O, Azərbaycanın bu cür cəhdləri qətiyyətlə pislədiyini və qəbuledilməz olduğunu söyləyib.

Novruz Məmmədov «15 iyul hadisələri Türkiyə tarixində son çevriliş cəhdi kimi yadda qalacaq» deyə fikrini bitirib.

Buna da bax: Türkiyədə hərbi çevriliş cəhdi [Xronika]

Bu görüntülər Türkiyədə çəkilib- [fotolar]

Reuters Agentliyinin İstanbul və Ankaradan çəkdiyi fotoları təqdim edirik