Keçid linkləri

2016, 08 Dekabr, Cümə axşamı, Bakı vaxtı 18:46

►Rusiyanın başqa çarəsi yoxdu

Suriyada hərbi təyyarəsinin vurulmasından sonra rəsmi Moskva Türkiyədən gətirilən bir çox məhsula sanksiya tətbiq etməyə başlayıb.

Sanksiyalar, əsasən, Türkiyədən idxal edilən meyvə-tərəvəzə aiddir. Limon, qoz-fındıq, qırmızı ət və balıq idxalına qadağa qoyulmayıb.

Meyvə-tərəvəz İxracatçıları Birliyinin məlumatına görə, Türkiyə ilin ilk 10 ayında Rusiyaya 214.8 milyon dollarlıq limon göndərib. Bu rəqəm sözügedən sitrus məhsulunu Rusiyaya ixrac olunan meyvə-tərəvəz siyahısında ikinci pilləyə yüksəldib.

Buna da bax: Türkiyə Qətərdən qaz alacaq

“Başqa bir ölkədən gətirmələri mümkün deyil”

Aralıq dənizi ixracatçı birliklərinin sədri Bülent Aymen Türkiyə mediasına açıqlamasında Rusiyanın bu dörd məhsuldan imtina etməməsini belə dəyərləndirib:

"Rusiyanı yüksək keyfiyyətli meyvə-tərəvəz və uyğun qiymətlə Türkiyə təmin edirdi. İndiki qış şərtlərində həmin məhsulları eyni keyfiyyət və qiymətlə başqa ölkələrdən gətirmək mümkün deyil . Avropa Birliyinin tətbiq etdiyi sanksiya ucbatından İspaniyadan da ala bilməzlər".

Rusiya meyvə-tərəvəz ixracatında Türkiyənin əsas bazarları arasında olub. Özəlliklə sitrus meyvələrinin 70 faizi Rusiyaya ixrac edilir.

XS
SM
MD
LG