"Reuters" agentliyi Suriya ərazisində, Türkiyə ilə sərhəddə yanan yük maşını karvanı kadrları yayıb.
Videoda arxa fonda eşidilən səslər deyir: “Hava hücumunu Rusiya müharibə təyyarələri etdi. Təcavüzkar Rusiya Əziz şəhərini hədəfə alıb. Allahu-əkbər, Allahu-əkbər...”
İlkin məlumata görə, hücum vaxtı üç nəfər həlak olub.
“Bizim komandamız yanğını söndürməyə kömək etdi. Bu yük maşınları bizə aid deyil və onları kimin bombaladığı məlum deyil”, deyə İstanbulda mənzillənmiş Humanitar Yardım Fondunun rəsmisi, hadisə şahidi Mustafa Ozbek bildirib.
Kadrları qeydə alan humanitar yardım fondunun işçisi bundan əvvəl bildirmişdi ki, belə görünür ki, Rusiya təyyarələri humanitar yardım karvanını hədəfə alıbmış.
“Reuters” məlumatı müstəqil mənbədən təsdiqlədə bilməyib.
Hadisə Suriyanın Əziz əyalətində “Bab Al-Salam” keçidində baş verib.
