Keçid linkləri

2024, 19 Mart, çərşənbə axşamı, Bakı vaxtı 13:47

Qəsəbə sakinləri Bakı–Astara yolunu bağladı


Aksiya
Aksiya

Qaradağ rayonunun Səngəçal qəsəbəsi sakinləri yanvarın 18-də Bakı-Astara magistral yolunu bağlayıblar.

Aksiya iştirakçılarının ərazidə yolüstü piyada keçidinin salınmasını tələb etdikləri bildirilir.

«Bu yolda hər həftə qəza baş verir. Magistral yolda sürət yüksəkdir, yolu keçənlər qəzalara qurban olurlar. Dəfələrlə rayonun icra hakimiyyətinə müraciət etmişik, ancaq bizi dinləyən yoxdur», - aksiya iştirakçılarından biri deyib.

Bakı-Astara magistral yolu bağlandığından uzun tıxac yaranıb.

Əraziyə Dövlət Yol Polisinin, ardınca post-patrul xidmətinin əməkdaşları cəlb olunub. Yalnız bundan sonra hərəkat bərpa olunub.

Baş Dövlət Yol Polis İdarəsinin İctimaiyyətlə əlaqələr şöbəsinin rəisi Kamran Əliyev «Qafqazinfo» saytına açıqlamasında da sakinlərin yerüstü keçidin tikilməsini tələb etdiklərini təsdiqləyib.

«Üç gün öncə Səngəçal qəsəbəsi ərazisində 9 yaşlı oğlanı maşın vurub, o, aldığı xəsarətlərdən hadisə yerində vəfat edib. Bu gün isə qəsəbə sakinləri həmin hadisə ilə bağlı toplaşıblar. Onlar ərazidə yerüstü piyada keçidinin tikilməsini tələb ediblər. Sakinlərin toplaşması bir müddət yol hərəkətinə mane olub», - K.Əliyev bildirib.

Qaradağ rayon İcra Hakimiyyəti sakinlərin aksiyasını şərh etməyib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG