Keçid linkləri

logo-print
2016, 03 Dekabr, şənbə, Bakı vaxtı 08:43

Donald Trump-ın fikrincə, debat aparıcısı və “Google” qərəzli davranırlar...

Namizədlərin ilk teledebatında uğursuz performans göstərmiş Donald Trump debatın aparıcısı Lester Holt-u qərəzli davranışda suçlayıb. O, "Google"u da axtarış nəticələrini Hillary Clinton-un xeyrinə dəyişməkdə günahlandırıb.

Trump çərşənbə günü (sentyabrın 28-də) "Google"u Hillary Clinton-un seçki kampaniyası ilə gizli əməkdaşlıqda ittiham edib. «"Google" axtarış xidməti Hillary Clinton haqqında pis xəbərləri gizlədirdi», - respublikaçı namizəd Viskonsin ştatında keçirilən rallidə - tərəfdarları önündə çıxış edərkən belə deyib. Nə "Google"dan, nə də Trump-ın seçki kampaniyasından bu ittihamla bağlı şərh almaq mümkün olmayıb. "The Guardian" yazır ki, bu ittiham "Sputnik News" rus təbliğat saytının verdiyi məlumatdan da qaynaqlana bilər.

Buna da bax: İlk debatı kim qazandı?

Yeni ittihamlar

Trump Clinton-a yeni ittihamlar irəli sürərək, onu özəl maraqlara xidmət etməkdə günahlandırıb. Trump deyib ki, Clinton "Birləşmiş Ştatların suveren dövlət statusunu onun əlindən almaq istəyir".

Ötən gün (sentyabrın 27-də) Clinton keçmiş rəqibi Bernie Sanders-lə birgə Nyu Hempşirdə seçki kampaniyasını davam etdirib. Onlar ralli zamanı Clinton-un universitetlərdə təhsil haqlarının aşağı salınması təklifini dəfələrlə vurğulayıblar.

Buna da bax: Klinton ilk debatda Trampı uddu- Reuters

"The Guardian" yazır ki, Obama-nın seçki kampaniyasında ən fəal qruplardan biri olmuş "minillik nəsli" (ABŞ-da 1980-2000-ci illər arasında doğulan insanlara belə deyirlər) Clinton-un kampaniyasında bir o qədər coşqu göstərmir. “ABC” və "Washington Post"un son rəy sorğusuna görə, yaşı 40-dan az olan seçicilərin yalnız 49 faizi noyabrda səs verəcəyini deyib. 2012-ci ildə keçirilmiş oxşar sorğuda bu rəqəm 71 faiz idi.

Günün bütün mövzuları

Şərhləri göstər

XS
SM
MD
LG