Avqustun 25-i Bakı və Abşeron yarımadasında isti, günəşli hava gözlənir.
Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, yarımadada gecə 21-25, gündüz 32-37, Bakıda gecə 22-24, gündüz isə 33-35 dərəcə isti olacaq.
Ölkənin rayonlarında da ciddi yağıntı olmayacağı bildirilir. Lakin səhər və axşam bəzi dağlıq ərazilərdə şimşək çaxacağı, qısamüddətli yağış yağacağı ehtimal edilir. Gecə 18-23, gündüz 34-39, dağlarda gecə 13-18, gündüz 24-29 dərəcə isti təxmin edilir.