Keçid linkləri

2024, 28 Mart, Cümə axşamı, Bakı vaxtı 17:11

Avropa Şurasının həmməruzəçisi Xədicə İsmayılla görüşdü


Xədicə İsmayıl
Xədicə İsmayıl

-

Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Stefan Şennak qadın koloniyasında Xədicə İsmayıla görüşüb.

Stefan Şennak aprelin 6-dan 8-nə kimi Azərbaycanda səfərdə olub.

O, Azərbaycan prezidenti, parlamentin spikeri, Konstitusiya Məhkəməsinin sədri, baş prokuror, ombudsman, ədliyyə naziri, Mərkəzi Seçki Komissiyasının sədri və vətəndaş cəmiyyətinin təmsilçiləri ilə görüşüb.

Hazırda həbsdə olan Azadlıq Radiosunun əməkdaşı X.İsmayıla baş çəkməsi haqda məlumatı da səfərin yekunları ilə bağlı qurumun saytında yer alan bəyanatında qeyd edib.

O, bu yaxınlarda azadlığa buraxılan İntiqam Əliyev, Tofiq Yaqublu, Rəşadət Axundov , Leyla və Arif Yunusla da görüşüb.

S.Şennak 2015-ci ilin dekabrında polşalı deputat Tadeuş İvinskinin yerinə Azərbaycan üzrə həmmərizəçi təyin edilib.

Stefan Schennach
Stefan Schennach

X.İsmayıl Cinayət Məcəlləsinin 179.3.2-ci (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə təqsirli bilinərək 7 il yarım azadlıqdan məhrum edilib.

Hazırkı apellyasiya şikayətində müdafiə tərəfi cinayət işinə xitam verilməsini, jurnalistin azadlığa buraxılmasını istəyir.

Xədicə İsmayıl ittihamları rədd edir, həbsinin jurnalist fəaliyyəti ilə bağlı olduğunu deyir.

«Amnesty International» Xədicə İsmayılı «vicdan məhbusu» elan edib.

Buna da bax: "Yaxşı rektor olar, psixiatrdır..."

"Yaxşı rektor olar, psixiatrdır..."
Gözlə

No media source currently available

0:00 0:01:53 0:00

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG