Keçid linkləri

logo-print
2016, 03 Dekabr, şənbə, Bakı vaxtı 14:07

British Council, Azərbaycan Dövlət Rəssamlıq Akademiyası və Azərbaycan Xalça Muzeyinin birgə təşkilatçılığı ilə gerçəkləşdirilmiş Azərbaycan “Şekspir xalçası” müsabiqəsinin qalibi bəlli olub.

Mədəniyyət və Turizm Nazirliyindən AzadlıqRadiosu-na verilən xəbərə görə, qalib Dövlət Gənc Tamaşaçılar Teatrının rəssamı Telman Şıxıyevdir.

Şekspirin 450-ci ildönümü şərəfinə keçirilən müsabiqə bu ilin mayında başlayıb.

Müsabiqəyə uşaqlar, peşəkar dizaynerlər və ictimaiyyət tərəfindən 60-dan çox əl işi təqdim edilib.

Buna da bax:​ Azərbaycanda maraqlı müsabiqə başladı

Müsabiqənin şərtinə görə, təqdim edilən xalça dizaynları Şekspir pyeslərindəki səhnələri və əsərlərindəki motivləri təsvir etməklə yanaşı, Azərbaycan ənənələrini də əks etdirməliydi.

Müsabiqənin qalibi Telman Şıxıyev Londonun V&A Muzeyinə və Şekspirin "Qlobus" teatrına səyahət etmək imkanı qazanıb.

T. Şıxıyev bu ilin iyununda Almaniyanın Azərbaycandakı səfirliyi, Azərbaycan Dövlət Rəssamlıq Akademiyası, “Qız Qalası” İncəsənət Qalereyası və “Berlin-Bakı” Rəsm Qalereyasının birgə təşkilatçılığı ilə həyata keçirilmiş “Almaniya bir rəssamın gözü ilə” sərgisində 3-cü yerə layiq görülərək Almaniyaya 10 günlük səfər etmək imkanı əldə etmişdi.

Günün bütün mövzuları

XS
SM
MD
LG